Lucas 22:18 - La'aqtaqa Ñim Lo'onatac 'Enauacna 2013

¹⁸ Cha'aye Aỹem shenapec nagui da saishet da qaltaq she'eguelaxalec da ñeỹomgui ne'ena lli'i ana uva, nato' qom nvi' ca lo'onataxanaxac Ñim Lo'onatac 'Enauacna.

Nuevo Testamento Toba Sur

¹⁸ Cha'ayi aÿim shinapec nagui da sa ishit da qaltaq shi'iguelaxalec da ñiÿomgui ne'ena lli'i ana uvas, to' qom ivita ca laloqo' da ilo'ogue 'enauacna ñi Dios.

Nuevo Testamento Toba Sombrero Negro

¹⁸ qa'a ami ja'aĝatema queda'me ja yitaĝa ñiyomigui ga'me uva li'i, chayovida'a qom novi' da'me lejaliaĝa joñe'me Dios.

Lucas 22:18 Referans Kwoze

Mateo 26:29

Qaq ne'ena na'a'q, nachena na pa'atec da ñeỹomgui ne'ena lataxa da qami' ñeỹomaxau'. Qalaxaye qom qaltaq salegaqta'a't da souaqtaigui da lo'onataxanaxac Ñim Ita'a, huaña nache ñeỹomaxagui ca dalaxaic lataxa.»

Lucas 22:16

Cha'aye Aỹem shenapec da nagui saishet da qaltaq she'eguelaxalec da sachec ne'ena nallec, nato' qom ivita ca na'a'q da qaltaq sequi'iỹaqa'a't qom souaqtaigui ca lta'araic lquia'axac Ñim Lo'onatac 'Enauacna.

Marcos 14:25

Nache pa'atec nagui da qami' ñeỹomaxau', ne'ena lataxa maye lli'i ana uva. Qalaxaye qom ivita da llaponaqta'a't da sonaqtaigui da lo'onataxanaxac Ñim Lo'onatac 'Enauacna, huaña, nache ñeỹomaxagui ca dalaxaic lataxa.»

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Lucas 21:31

Qaq nache 'eetec nataqa'en qom qami' mashe qauloỹa'a da yo'oq 'enauac ne'ena, nache qauaỹaañi da mashe saqaỹapeque da nvi' da lo'onataxanaxac Ñim Lo'onatac 'Enauacna.

Lucas 9:27

Ỹataqta 'eesa de'era qami' sa'axatema, da huo'o nagui na ỹalectauo da saxanaxa qome da ileu, qom huo'otaq saxanaxa da ilogui da 'eetec qom ilo'ogue 'enauacna Ñim Lo'onatac 'Enauacna.»

Marcos 15:23

Nache huaña yemaye, nache qoỹaateguem da nỹomgui so lataxa maye qaỹalecneguet na qo'oipaq lcha'q le'enaxat mirra, da yaqto' ỹa'axaneguet da nqui'ic, qalaxaye So Jesús saishet da nỹomgui.

Marcos 14:23

Ime, qataq ỹacona aso ỹomaxaqui nlaqchigui na lataxa, nache ỹanot da na'achecỹaxac Ñim Lo'onatac 'Enauacna. Ime, nache ỹanoiguilo soua lapaxaguenataqa, nache 'enauaque soomaye nỹomguilo asomaye.

Marcos 9:1

So Jesús nataqa'en 'enapeco': –Ỹataqta 'eesa de'era qami' sa'axatema, da huo'o nagui nam ỹalectauopi nam saxanaxa qome da ileu, ivitta'a da ỹauaachigui da lo'onataxanaxac Ñim Lo'onatac 'Enauacna qataq da la'añaxac da ilo'ogue 'enauacna.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Zacarías 9:15

Ñim Nataxala' maye Qaica ca Ỹaqalanapec npaxattalec qome na lalamaxatpi, qaq namayepi petapigui qome na coma'piolec maye npocnaxanaxat, qataq chec na npa'aguenaxauapi; nache nỹomigui na ltago'q, 'eeta'am naqa'en na lataxa, nache ỹataqta nlaqchigui namayepi, 'eeta'am aca nemaxanaqte late'erai, maye laỹe' na tago'q, da yaqto' qaicorelec añi nca'atoxonaxalate.

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Jueces 9:13

Qalaxaye aso vid 'enapeco': Saishet, cha'aye qom aỹem lta'a ana qo'oipaqpi, nache huaña qaq saxaañi da so'ottac na lataxa, maye ỹo'ot da lamaicỹaxac na shiỹaxauapi, qataq Ñim Lo'onatac 'Enauacna.