Lucas 22:16 - La'aqtaqa Ñim Lo'onatac 'Enauacna 2013

¹⁶ Cha'aye Aỹem shenapec da nagui saishet da qaltaq she'eguelaxalec da sachec ne'ena nallec, nato' qom ivita ca na'a'q da qaltaq sequi'iỹaqa'a't qom souaqtaigui ca lta'araic lquia'axac Ñim Lo'onatac 'Enauacna.

Nuevo Testamento Toba Sur

¹⁶ Cha'ayi aÿim shinapec da nagui sa ishit qome da qaltaq shi'iguelaxalec da sachic ne'ena nallic, chochi ivitta'a ca na'a'q qom ivita cam laloqo' da ilo'ogue 'enauacna ñi Dios. Huaña, nachi ÿoqta nalochiguiñi ne'ena nallic.

Nuevo Testamento Toba Sombrero Negro

¹⁶ Qa'a eja da'me ami ja'aĝatema queda'me ja yitaĝa jalic jena'me jenjo' chayovida'a qom yepaquetelegue di'yo'quena da'me Dios lejaliaĝa.

Lucas 22:16 Referans Kwoze

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Lucas 14:15

Qaq co'ollaq hua'aqchigui de'era som 'oonolec maye nso'ootañi datatalec so nquia'axala', nache 'enapega So Jesús, 'eeta': –Ỹataqta machiguiñi qome ca dequi'iỹapegueua'a ca nallec qom qanayeetaigui da lo'onataxanaxac Ñim Lo'onatac 'Enauacna.

Lucas 22:30

nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Hechos 10:41

Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Lucas 12:37

¡Ỹataqta huo'o qome da lta'araic lamaxayec ca camayepi qom huo'otaq ca na'aco' nvi' ca laiñi ca pe huo'otaq da mashe yo'oxoñitai', qalaxaye nache 'ena'am nlotauec camayepi! Qaq ỹataqta 'eesa qami' sa'axatema, da que'eca na'aco' 'enapega camayepi da nso'ooñi da datalec ca nquia'axala', qaq camaye qalaq huapegue' da ỹo'ot ca aloq.

Lucas 22:15

Nache So Jesús 'enapeco': –¡Aỹem ỹataqta huo'o da iyaxa da qami' ñeuanaxau' ne'ena nallec, nagui da saxanaxa da ñeque'etaxangui da ñeque'eenaxac, qataq da saxanaxa da seleu!

Lucas 22:18

Cha'aye Aỹem shenapec nagui da saishet da qaltaq she'eguelaxalec da ñeỹomgui ne'ena lli'i ana uva, nato' qom nvi' ca lo'onataxanaxac Ñim Lo'onatac 'Enauacna.