Lucas 22:11 - La'aqtaqa Ñim Lo'onatac 'Enauacna 2013

¹¹ Nache qoñiỹapega qome cam lma' que'eca nỹec, qoñiita': «Ñim Napaxaguenataxanaq huotaique da ỹaỹaten ca hua'ague cam ndaqa', maye huaña da dequi'iỹa'aisalo naua lapaxaguenataqa ne'ena pe maye le'enaxat da Lapascua.»

Nuevo Testamento Toba Sur

¹¹ Nachi qoñiÿapega qome cam lma' que'eca noÿic, qoñiita': “Ñim dapaxaguenataxaatac 'eeta': ¿Chaq huá'ague cam noÿic mayi nqui'aqa', da yaqto' sequi'iÿa'ai' na ÿapaxaguenatacpi da sachiguenaq ca nallic mayi naigui da qaiuennate co'ollaq qanayica'ai yi Egipto?”

Nuevo Testamento Toba Sombrero Negro

¹¹ qama'le a'uaqataĝañiyem qomle ñe'me loĝot ga'me emec: «Ñe'me Paĝaguenataĝanaĝaic am yenat queda'me ¿jach'e jogamaĝa auen ua'a da'me deque'e choqogaa'me lapaĝaguenataqa da'me qouenata ga'me nolo' jo'ne Pascua?»

Lucas 22:11 Referans Kwoze

Juan 11:28

Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Lucas 19:34

Nache soomaye 'ena'apo': –Qomye iuen namaye Ñim Qarataxala'.

Lucas 19:31

Qaq da huo'o ca qami' ina't da chaq ta'ainec da qausoiuec, nache qoñiita qome da qara'aqtaqui: «Ñim Qarataxala' iuen namaye.»

Lucas 19:5

Qaq So Jesús co'ollaq nlectot aso qo'oipaq maye huetasheguemec somaye, nache ilasheguemec. Nache 'enapega, 'eeta': –'Am Zaqueo, sa 'anaỹaloxon qome da 'aunotec, cha'aye Aỹem na na'a'q soua'a ca 'arma'.

Mateo 21:3

Qaq da huo'o ca qami' ina't qalaq qoñiỹapega qome camaye, qoñiita': ‹Ñi Qarataxala' iue'n naamaye, qalaxaye saqaỹaloq qome da ñe'eguelaxataq.›»

Marcos 14:14

choche qaviyeeta'a ca lma' maye tateua'a, nache qoñiỹapega que'eca lma' que'eca nỹec qoñiita'. «Ñi Napaxaguenataxanaq, huotaique da ỹaỹaten ca ndaqa' cam huaña da dequi'iỹa'ai' naua lapaxaguenataqa ne'ena pe maye le'enaxat Lapascua.»

Lucas 22:10

Nache So Jesús 'enapeco': –Qami' qom qaunoxoñiiua'a ye nỹecpi ye Jerusalén, nache huaña yemaye qaq qauloỹa'ague qome ca ỹale ỹachetac aca laco'oña 'etaxat laỹe'. Qaq nacheca qome qauca'acheegue, choche qaviyeetaua'a ca nma' maye tateua'a.

Lucas 22:12

Nache qami' ỹachaxanalo qome ca ndaqa' lta'araic na pa'aỹasheguem ca nỹec, mashe sogote da qaỹaỹamaxatchiguiñi. Huaña, nache qauqataxañiỹai' qome cam qonoq ne'ena pe.