Lucas 21:36 - La'aqtaqa Ñim Lo'onatac 'Enauacna 2013

³⁶ Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Nuevo Testamento Toba Sur

³⁶ Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Nuevo Testamento Toba Sombrero Negro

³⁶ 'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

Lucas 21:36 Referans Kwoze

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Mateo 24:42

Qaq ỹoqo'oye iuen da nache 'eetai' da qanloitec, cha'aye qami' sa qauaỹaañi ca laloqo' da Aỹem, maye Aỹem Qarataxala'ai qaltaq ñe'eguelaq.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

1 Corintios 16:13

Ỹataqta qanloitec, qataq qana'añaxacheetec da qarpi'iỹaxaqui. Qaue'enaxache ca shiỹaxaua ỹataqta qaramchigui qataq 'añaxaic.

Lucas 18:1

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Marcos 13:33

Qaq ỹoqo'oye qami' ỹataqta qanchilỹañi qome qataq qanloitec, cha'aye sa qauaỹaañi ca laloqo' ca ỹe'eguelaxasoxoc.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

1 Ts 5:17

Nache 'eetai' qome da qanqouagaxauñiitac.

Marcos 13:37

Qaq de'era qami' sa'aqtaxaateguema, damaye nataqa'en sa'aqtaxanem 'enauac na shiỹaxauapi: ¡Ỹataqta qanloitec qome qataq nache 'eetai' da qauauanaxañiitac!

2 Timoteo 4:5

Qalaxaye 'am Timoteo, ỹataqta 'anaỹanaxanaqchen qome, qataq 'ana'añaxateguet na 'anque'eenaxaguesat, qoqueto'ot da 'aua'axat da no'on na'axaỹaxac maye chegaqaigui da nca'alaxa, 'apactelco' da ỹoqta lataxac da 'aro'onataxanaxac.

Colosenses 4:2

Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

Hechos 10:2

Qaq se'eso ỹale qataq 'enauac so llalaqpi ỹalaxaguet Ñim Lo'onatac 'Enauacna qataq ỹo'oxoreetac Ñimaye. Somaye nataqa'en ỹataqta itauaatac na judiopi maye choxoraqpi qataq nache 'eetai' da nqouagaxaueetacot Ñim Lo'onatac 'Enauacna.

Salmos 1:5

Qaq ỹoqo'oye nam qauemaicpi saishet qome da nachaata'aguet da qanmit, qataq saishet da ỹalecta'aguet nam no'on da lataxac.

Da na'aqtaguec so Job 27:10

Cha'aye saishet da ỹachegoxoto'ot da lamaicỹaxac Ñim Qaica ca Ỹaqalanapec, qataq saishet da 'enauaque naua na'axa'te da iỹaxaatacot Ñimaye.

Lucas 20:35

Qalaxaye cam taiguet qominchiye da inoxoneua'a cam lỹa 'alhua, qom mashe qanca'alaxatec nam leuaxaicpi, que'eca 'alhua, huaña, nache aca 'alo qataq ca ỹale saishet da huaron.

Jeremías 35:19

nache Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'eeta' da ỹa'aqtac, nam chegoxoguetpi so Jonadab saishet qome da saqca ca Aỹem do'onataxaatacot.»

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Mateo 24:43

Qaq ỹoqta 'eesa de'era qami' sa'aqtaxanema da ca lalamaxat ca nỹec da huo'otaq ỹaỹaten ca laloqo' da nvi' ca cachaxaic, nache camaye nauaatac ca lma', da yaqto' saishet da qaicachiỹot.

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Lucas 21:35

nache qoñiita'am cam nqoiñiguishec. Qaq 'era qome da 'eetec da lviraxac que'eca na'a'q, qom nvita 'enauac na huetalec ana 'alhua.

2 Corintios 4:14

Cha'aye saỹaanaqta Ñimaye da qom seleuaq, nache ỹoltaq qomi' nca'alaxatre'c, 'eeta'am naqa'en da 'eetec co'ollaxa So Jesús da qaltaq nca'alec naqa'en. Ime, qaq qomi' lỹatreuo naqa'en da senoxonaxaua'a ca netaña Ñimaye.

Apocalipsis 6:17

Cha'aye mashe ivita ye laloqo' da Ñim Lo'onatac 'Enauacna qataq Ñi Qagueta Llalec da ỹauo'o ca qanhuaxanaguec, qaq qaica ca ishet da dataỹa'aguet da nhuaxanaguec.»

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Apocalipsis 8:2

Ime, nache sauaachigui se'esoua siete namaxa'she piguem lashe' da qoỹami' ñi 'oonolec ana nasheere, qaq soomaye nachattrañi datataua'alo Ñim Lo'onatac 'Enauacna.

Apocalipsis 11:4

Qaq que'ecaua dos ỹa'aqtaxanaxanaqa, nachesoua soua dos nañiguishe Olivo qataq dos ncoỹaraxanaxaqui' maye huetra'a ye naloteuga Ñim Lo'onatac 'Enauacna maye lataxala' 'enauac nam huetalec ana 'alhua.