Lucas 21:34 - La'aqtaqa Ñim Lo'onatac 'Enauacna 2013

³⁴ Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Nuevo Testamento Toba Sur

³⁴ Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Nuevo Testamento Toba Sombrero Negro

³⁴ “Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

Lucas 21:34 Referans Kwoze

Marcos 4:19

qalaxaye saishet da hua'aqta'a damaye da naralaxat da nachaalataxac. Nachaqrata da iuennatega nam yo'oqchigui lhuenaxanaxa, da qanauec aca anom, qataq da 'eetec da iqopitaxaatac da nachaalataxac.

Lucas 12:40

Qaq qami' nataqa'en ỹataqta qanaỹamaxacheetai' qome, cha'aye Aỹem Shiỹaxaua Llalec, ñevi' qom qami' saishet da taỹapigui qarvilli Aỹem.»

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

2 Pedro 3:14

Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

Gálatas 5:20

qataq natameetacot na ne'enaqtacpi, qataq napaxagueetega da laconaxanaxac qataq nquiỹa na laỹepi. Maiche deloctega't, ca'alaxanaxaicpi, qataq sa qaỹaña da layeloxo. Napagaqaanaxaicpi, ncotaxaicpi qataq colaxagui naqa'en na shiỹaxauapi.

1 Corintios 5:11

Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Oseas 4:11

De'era quisheguetaxac qataq na lataxa, ỹo'ot da deqat da no'on nataxac.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

Lucas 21:8

Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Lucas 17:3

Qaq ỹoqo'oye, ¡qanchelỹañi qome da huo'o ca qauo'oche! Ca 'anauochaxaua qom huo'o ca 'am ỹo'otec sa ỹaỹamaxañi, qaq no'on da 'auachaxana cam 'am ỹo'otec camaye. Qaq da 'am iỹaxanot da 'auchoxoren, nache 'am no'on da 'auchoxoren.

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.

Marcos 13:9

Qalaxaye maxatchaxa qome. Cha'aye qami' qoỹaneua'alo qome na lataxala'pi na shiỹaxauapi, nache qami' iuaxaata'ape da huaigui ana napaxaguenaxaquipi na judiopi. Huaña, nache qami' qanachaalataxaneua'alo na nta'alpi maye ilotegueto naua 'aleu', qataq na lta'alpi namayepi souaxat da Aỹem qoquiitague'. Qalaxaye huaña qome, nache Aỹem qaua'axache da qaua'aqtaxañim namayepi.

Proverbios 21:4

Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Salmos 35:8

Qaq ñaq ique'elaxat qome namayepi da qaica ca na'achecỹaxac, qataq maiche tangui qome aca maiche lqoina namayepi, qataq aca lshere maye ỹo'ot co'ollaxa namayepi.

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Deuteronómio 29:19

Qaq qom ime da qana'axaỹaxañiitega ne'ena qoỹan na'aqtacpi, nache da huo'o ca 'oonolec da qoñiita da ipi'itaxaatega da no'on da lataxac, nache 'eeta': 'Enauac na so'otpi ỹaỹamaqchiguiñi, na'aictaxa da so'ot nam maiche sheetapeguecpi nache camaye nacheca ca qami' ỹasouaxa't qome.

Levítico 10:9

«'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Génesis 19:32

qaq ỹoqo'oye, no'on da setaqchetaq ñi qarta'a, nache qarauañi' qome, yaqto' huo'o ca qochalaqpi chegoqchigui ñimaye.»

Proverbios 23:20

Qataq saishet qome da 'aualecta'aguet na nỹomtapigui na lataxa, qataq na sa ỹala'ac da lquia'axac,

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Lucas 21:35

nache qoñiita'am cam nqoiñiguishec. Qaq 'era qome da 'eetec da lviraxac que'eca na'a'q, qom nvita 'enauac na huetalec ana 'alhua.

Génesis 19:35

Qaq nacheso se'eso pe, da qaltaq nỹomaxa'n so lta'a', nache aso na'asa lauañi' somaye, qalaxaye so Lot nataqa'en sa nanoma asomaye co'ollaq nnaañi, qataq co'ollaq ñisheguem asomaye.

Génesis 27:14

Nache so Jacob jec da ỹe'eguenaugalo soua quetaq llalqa, nache ndoua'alo aso late'e. Nache asomaye ỹo'ot so ỹataqta ama lhuoshec, som ỹataqta naman naxa so Isaac.