Lucas 21:27 - La'aqtaqa Ñim Lo'onatac 'Enauacna 2013

²⁷ Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Nuevo Testamento Toba Sur

²⁷ Huaña qome, nachi qaila'a na shiÿaxaua llalec nactaigui ca l'oc ÿataqta qaica ca 'en'am da l'añaxac qataq da lli'oxoyic.

Nuevo Testamento Toba Sombrero Negro

²⁷ Qom yem da'me dojo' qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalegue ga'me piyem lo'oc da'me ñovi', nataq'aen yataqata t'adaic da'me yañoqotaĝanaĝac choqoda'me 'yonaĝac.

Lucas 21:27 Referans Kwoze

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Marcos 13:26

Nache qaila'aguet qome Aỹem Shiỹaxaua Llalec da sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Apocalipsis 14:14

Ime, qaltaq ñamatasheguem, nache sela'a so lo'oc na piguem lapagaxaic, qaq se'eso lo'oc nso'ootalec so 'eeta'am na shiỹaxaua llalec. Somaye ỹaatañi aso naro'o na nta'a maye chegaqaigui na oro, qataq lasoqta'a so lpetegaxanaxat ỹataqta ỹaxaraic.

Lucas 21:26

Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan.