Lucas 21:26 - La'aqtaqa Ñim Lo'onatac 'Enauacna 2013

²⁶ Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan.

Nuevo Testamento Toba Sur

²⁶ Nachi na shiÿaxauapi ÿataqta decopchitac qome, souaxat da tatapigui lauel cam nachaxan ana 'alhua, qaq ivida'a qome ana huaqajñipi mayi hueto'ot na piguem ÿataqta cholaxan.

Nuevo Testamento Toba Sombrero Negro

²⁶ Qama'le ga'me jiyaĝadipi copecheyapeguem qom uenata da'me dojo' 'uo qomle jo'ne ualegue jena'me aleua; qa'a qoyedaĝa'tape qomle ena'uaque gaa'me jo'ne neda'ague di'me p'ajeguem 'me laqauaejeguem.

Lucas 21:26 Referans Kwoze

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Marcos 13:25

Qataq naañi qome ana huaqaañipi, qataq ivira'a da cholaxan nam na'añaxacpi maye hueto'ot na piguem.

Isaías 5:30

Qaq que'eca nhuo' le'ecpi qom ivita cam na'a'q maye naloqnec, nache da l-lamaxa dauaxan qome 'eeta'am aso auaxai, qom dataỹa'aguet na Israel le'ecpi, qaq da huo'o ca imeten ana 'alhua, nache ila'a qome da imattalec ca napalaxa, ca lo'oc na piguem qalaq ỹapo'oguet na yo'oqchiguiñi.

Lucas 21:25

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Lucas 21:27

Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.