Lucas 21:25 - La'aqtaqa Ñim Lo'onatac 'Enauacna 2013

²⁵ Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Nuevo Testamento Toba Sur

²⁵ Nachi huo'o qome na l'anaxatpi añi nala' qataq so ca'agoxoic qataq ana huaqajñipi. Qataq nam ÿotta'a't shiÿaxauapi mayi huetalec ana 'alhua ÿataqta sa ÿaÿaten ca 'eetec, qataq ÿataqta ñi'i, souaxat da lchic da l-lamaxa ana lapaxa aso auaxai.

Nuevo Testamento Toba Sombrero Negro

²⁵ “Uo'oe qom'te gaa'me 'nanaqa'te jañe'me ajeua nataq'aen ñe'me auoĝoic nataq'aen ga'me uaqachiñipi; nataq'aen yema jena'me aleua 'uo da'me nachitataic nataq'aen jalcote da'me loqolanaqa', jouaĝat ga'me chaqae'ta lejamaĝa ga'me noĝop lepa'.

Lucas 21:25 Referans Kwoze

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Daniel 12:1

Qaq qom ivita ca laloqo' nache nachaxan so Miguel, som 'amaqtaqaic namaxashec piguem le'ec maye mpaxattalec nam 'arhuo' le'ecpi. Qaq que'eca na'a'q huo'o qome ca lta'araic naquicoxo, qaq camaye saỹauanego' da huo'o ca 'eeta'am, chegoqta'a co'ollaq cheta'ague da huo'o 'enauac na ỹotta'a't shiỹaxauapi. Qom ivita que'eca laloqo', nache nca'alec qome 'enauac cam 'arhuo' le'ecpi maye nanettalec ca le'enaxat aca nere.

Isaías 24:23

Qaq qom ỹacoolec da lo'onataxanaxac Ñim Nataxala' maye Qaica ca Ỹaqalanapec huaña añi qasoxonaxa Sión, yem Jerusalén nache añi nala' qataq ñi ca'agoxoic 'om qome, nache nam lataxala'pi nam nalamaxat nhuo' le'ecpi ila'a qome da llo'oxoyec Ñim Nataxala'.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Hechos 2:19

Qataq na piguem huo'ot ñaqa'en ca sachaxan ca ishet da ỹo'ot da na'aalaxa, qaq ana 'alhua sauo'o na na'anecpi: ntago'q, norec, nchaxa lta'araic.

Isaías 51:15

Cha'aye Aỹem Nataxala' maye Aỹem 'anatamnaxala' da ỹe'enaxat 'eeta': Nataxala' maye Qaica ca Ỹaqalanapec. Aỹem seraxan aso auaxai, nache ỹataqta dauaxan ana lapaxa.

Marcos 13:26

Nache qaila'aguet qome Aỹem Shiỹaxaua Llalec da sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Marcos 13:24

Qaq qom mashe inoxoore'c que'ecaua na'axa'te maye que'eenaxaqui', nache 'om qome añi nala', qataq qaica ca le'eraxa ñi ca'agoxoic.

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Salmos 46:3

huo'otaq da dellimigui aso auaxai qataq da nachaañi ana lapaxa asomaye, qataq da cholaxan naqa'en ana qasoxonaxapi da la'añaxac.

Marcos 15:33

Qaq co'ollaq mashe na'a'q laiñi, nache huo'o so napalaxa, ima'a't 'enauac ana 'alhua. Choche ivitta'a da dasheuec añi nala'.

Jeremías 4:23

Aỹem samatalec ana 'alhua, nache qaica ca laỹamaqa' qataq toolec. Qataq samato'ot na piguem, nache ỹataqta napalñi.

Isaías 5:30

Qaq que'eca nhuo' le'ecpi qom ivita cam na'a'q maye naloqnec, nache da l-lamaxa dauaxan qome 'eeta'am aso auaxai, qom dataỹa'aguet na Israel le'ecpi, qaq da huo'o ca imeten ana 'alhua, nache ila'a qome da imattalec ca napalaxa, ca lo'oc na piguem qalaq ỹapo'oguet na yo'oqchiguiñi.

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Miqueas 7:4

Qaq nam qoỹeetega no'on da lataxac maye ỹalectaigui namayepi, qalaq 'eeta'am anam qo'oipaq maye huo'o ana le, qataq nam qoỹeetega huesota da lataxac qalaq 'eeta'am aca zarza. Qalaxaye mashe anacta cam na'a'q maye huaigui da nhuaxanaguec, cam na'a'q maye ỹa'axatta'a co'ollaxa so lauanaxanaxanecpi namayepi. Huaña qome nache namayepi saỹaỹaten ca 'eetec.

Isaías 17:12

¡Ña qana'axaỹaxañiỹa da lta'araic l-lamaxa nam qalota shiỹaxauapi, da l-lamaxa maye 'eeta'am da l-lamaxa aso auaxai! Qaq de'era nachera da l-lamaxa nam ỹotta'a't shiỹaxauapi, maye 'eeta'am da l-lamaxa ca qalota 'etaxat.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Lucas 21:26

Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan.