Lucas 21:24 - La'aqtaqa Ñim Lo'onatac 'Enauacna 2013

²⁴ Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Nuevo Testamento Toba Sur

²⁴ Qaq huo'o qome na ileuaigui ca alaataq, qaq ca laÿipi qalaq noxonec, ime, qaq qaÿauegalo naua ÿotta'a't 'ale'u. Nachi nam chigaqauec shiÿaxauapi ÿataqta sa iyacnapec qome na la ciudad Jerusalén, chochi ivitta'a qome ca laloqo' mayi qoÿanem namayipi da maichi ÿoiqueetac.

Nuevo Testamento Toba Sombrero Negro

²⁴ Uo'oe gaa'me qoyalateque ga'me daĝanaĝat nataq'aen gaa'me laqaya' qoyaue'j qomle qama'le e'n lecoñetae's ga'me noyaqapi jena'me aleua; qama'le ga'me ja judiopi ch'e e'n lapiaĝala't qomle di'me Jerusalén, chayovida'a qom yenoĝodegue gaa'me noloqo'ote jo'ne qoyanema.

Lucas 21:24 Referans Kwoze

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Isaías 63:18

Na 'aralamaxat nhuo' le'ecpi, ỹataqta saqaỹarauec soua na'axa'te da lalamaxat 'anqa'en ne'ena 'alhua, qaq nagui na qampa'aguenaxauapi ỹataqta saiyacnapec añi atamnaxaqui maye 'aralamaqte.

Daniel 12:7

Qaq so shiỹaxaua maye ỹaatrañi soua alogo maye chegaqaiguilo na lino, ỹaayeshigue'm naua lhuaxaye ỹachaxanoto na piguem, nache ỹan so la'aqtac ỹachegoxotchigui da le'enaxat Ñim Lo'onatac 'Enauacna maye Nca'altauec, nache, 'eeta': Qom inoxoore'c caua tres y medio vi'iye, qom mashe vi'iiguet da nlaqtaguec da la'añaxac nam nhuo' le'ecpi, huaña qome nache ime de'era.

Daniel 9:27

Qaq huaigui qome ca lỹa la semana nache que'eca nta'a naỹamaxate' qome ca qalota shiỹaxauapi, qalaxaye ca laiñi que'eca la semana, nache ỹa'axaneguet qome na nachetaqtaxanaxatpi maye qaỹavigaxatta, qataq ana laỹe nachetaqtaxanaqtepi. Qaq huo'o qome ca ỹataqta qauem qaỹo'ot da hualec qanqa'en añi nca'atoxonaxalate maye lmalate na nachetaqtaxanaxat qaỹavigaxatta, nache ivitta'a da cam nlaqtaxanaxac maye qalapaxañi co'ollaxa talec cam ỹo'ot de'era qauem.»

Daniel 8:13

Qaq huaña nache sa'axaỹa so 'oonolec namaxashec piguem le'ec, da inattac so lỹa namaxashec piguem le'ec, 'eeta': «¿Chaq lagui qaq ime de'era semeenaqtac nachetaqtaxanaxac ye na'a'q maye qaỹachalec naxa añi nca'atoxonaxalate? ¿Chaq laỹe' qome qaq ime dam qauem nasouaxashet da qoỹaategueua'a añi atamnaxaqui maye lalamaqte Ñim Nataxala' qataq nam ỹa'amaqteetac Ñimaye da yaqto' qaỹapetapigui?»

Isaías 5:5

Qaq nagui qami' sa'aqtaxanema da iuennataxac da so'otec na ỹanaxanaqa' uva lma': Ñeqat qome na lpaqtaxat yaqto' qailaxachigui, qataq samaxañi qome so lpaqtaxanaxat coma' yaqto' qaỹapetapigui.

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Lamentaciones 1:15

Ñim Nataxala', ỹataqta iỹotaxateueegue da ỹasaxauec som 'añaxaicpi maye aỹem iuetteguelec co'ollaxa. Nache namaq so alleppi da yaqto' aỹem iloquiaxan, qataq da nmatchiguiñi som ñalleppi maye 'añaxaicpi. ¡Ñim Nataxala' petapigui anam napogoshepi llalpi na Judá, 'eeta'am naqa'en da 'eetec da qaỹapetapigui ana uva da qaỹo'ot na lataxa!

Isaías 66:12

Cha'aye Aỹem Nataxala', shenapec: Aỹem so'ot qome da huecorelec yemaye ca nlagaxayec, 'eeta'am aso tala da ipaxanec na 'etaxat, qataq da lsallaxa nam ỹotta'a't shiỹaxauapi 'eeta'am qome ca lta'araic ndep. Qaq yemaye qami' iquia'axa'n qome, qataq qami' nachetrashegue'm, qataq qami' ỹachetaleguete naua l-llecte souaxat da lauoche da qoñiita.

Génesis 34:26

Qaq nataqa'en iroleguete soua lainaqa da ỹalaua't so Jamor, qataq so llalec Siquén, ime nache nqateeguesop aso Dina so lma' so Siquén. Ime, nache je'c.

Éxodo 17:13

Ỹoqo'oye so Josué ishet da loxonec so nalleppi so amaleciitapi, irota'a so ỹeelonec.

Lucas 21:25

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Hebreos 11:34

qataq ỹalamat na lta'araic le'eraxa na norec. Qataq naneltaxaneguet da nalaataguec da qaira'a ca ỹeelonec. Qataq ỹaconeguet da la'añaxac da mashe ivita da qaica ca la'añaxac. Qataq da huo'o ye alaataxac qalaq ỹataqta 'añaxaicpi, ỹoqo'oye nauec na nalleppi na npa'aguenaxauapi.