Lucas 21:21 - La'aqtaqa Ñim Lo'onatac 'Enauacna 2013

²¹ Nache nam netaña na 'alhua Judea no'on da datauec da ỹe'egueesheguemec qome ana qaỹoqotcheguemec 'alhuapi. Qaq nam netaña na Jerusalén qalaq no'on da ca'ai qome namaye. Qaq cam huetalec na no'onaxa, qalaq no'on qome da saishet da ñe'eguelaxaua'a na nỹecpi.

Nuevo Testamento Toba Sur

²¹ Nachi nam netaña yi Judea ÿi'igueeshiguemec qome ana qasoxonaxapi, qaq nam netaña na la ciudad Jerusalén qalaq ca'ai qome namayi, qaq cam huetalec na n'onaxa qalaq sa ishit qome da ñi'iguelaxau'a na la ciudad.

Nuevo Testamento Toba Sombrero Negro

²¹ Chane'eja gaa'me jo'ne ueteda'a di'me Judea, 'noota da'me dajodegue, yec'atalo gaa'me qajoĝona'a; jogaa'me jo'ne ueteda'a di'me Jerusalén, 'noota ta'le yenoĝodegue queda'e ga'me, nataq'aen gaa'me ueteda'ague ga'me 'nonaĝa 'noota ta'le ja 'viyelaĝadoue joga'me noic.

Lucas 21:21 Referans Kwoze

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Marcos 13:15

qaq cam netasheguemec na l-laq ca lma' que'eca na'a'q, camaye da huenotec da datauec, nache saishet da ime'eguet da pa'aigui ca lma' da huo'o ca ỹache,

Mateo 24:16

Qaq nam hueta'a ye 'alhua Judea, nache datauec qome da tasheguemec ana qaỹoqotcheguemec 'alhuapi,

Jeremías 35:11

Qalaxaye so Nabucodonosor maye nta'a ye Babilonia co'ollaq anac da ilaxachigui ne'ena 'alhua, nache qomi' qarhuennataxac da ñanaxa na Jerusalén da yaqto' sataxaueguesop so alleppi caldeopi, qataq so siiriopi, qaq nachera da huo'omshe souaqta'a na Jerusalén.»

Proverbios 22:3

Ca huo'o na ỹaỹaten da ila'a ca lchec nache naneltaxaneguet, qaq ca qaica ca ỹaỹaanapec qalaq nache queta ime qaq maiche nque'etaxangui camaye.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

Génesis 19:26

Qalaxaye aso lhua so Lot maye nca'ataxaatauo, ỹamata'ague co'ollaxa da chegaqa'ague, nache nque'elaxatta da nañigui toue, qataq 'eeta'am ca ne'enaqtac.

Génesis 19:17

Qalaxaye co'ollaq mashe quera'ai se'eso huaqta'a't nỹecpi, nache so 'oonolec se'esoua namaxa'she, 'enapeco': «¡'Auachegaqañi qome, 'ananeltaxan! Saishet da 'anamata'ague na 'al-laq, qataq saishet da 'avi'iiguet qom huaña yi'iye ca'amegue. 'Anqo'ona aye qasoxonaxapi, qom 'anshetaique da 'anca'alec.»

Jeremías 37:12

nache so Jeremías ca'ai so huaqta'a't nỹecpi da yaqto' taỹa yem na'alhua so Benjamín, da yaqto' huapegue' da lataxac som 'alhua maye talec somaye.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.