Lucas 21:19 - La'aqtaqa Ñim Lo'onatac 'Enauacna 2013

¹⁹ Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Nuevo Testamento Toba Sur

¹⁹ Qaq cam sa ishit da huo'o ca ÿoqocha'a, qaq nachica ca nauec cam nca'alaxa mayi chochaq tateec.

Nuevo Testamento Toba Sombrero Negro

¹⁹ ¡'noota qom a'nañaĝachela't, qaedi auaqanachichi da'me adec'aliyegue!

Lucas 21:19 Referans Kwoze

Hebreos 10:36

Ỹataqta qami' 'añaxaiqa qome saishet da huo'o ca chegoqchigui qanqa'eñi da qaỹa'axañiiuec da qarpi'iỹaxaqui da qoviitaigui da qanque'eenaxaqui, yaqto' qaupaquiitelec da qauo'oche dam 'eetapeguec Ñim Lo'onatac 'Enauacna qataq qauacoñiiguet dam qami' ỹachaxanapecoto Ñimaye.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Santiago 1:3

Yaqto' de'era qarpi'iỹaxaqui Ñim Lo'onatac 'Enauacna da ime da qaỹe'eguen, nache huaña da qami' qauaỹaañi da qalviñeeguet qataq huo'o da qara'añaxaqui da qauataiỹa'aguet 'enauac nam lqalaiguesat.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Romanos 5:3

Qalaxaye nataqa'en huo'o da qantonaxac souaxat da qanque'eenaxac, cha'aye saỹatenaqta da nache 'eetec de'era, nache saỹaanaq da lleuenaxaguet na qanque'eenaxaguesat.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Salmos 37:7

Ỹataqta 'añe'emaxat da qoueto'ot Ñim Nataxala', qataq 'auauo'o da 'arhualaxavic da 'auata'a da 'am itauan Ñimaye. Saishet da 'am inogoqchet ca huo'o da na'achecỹaxac, huo'otaq ca lapaqtapiguiñi na qauemsat.

Apocalipsis 14:12

Qaq ỹoqo'oye na lalamaxatpi Ñim Lo'onatac 'Enauacna, iuen da ỹaỹaten da lhueneguet qataq na'añaxateguet na lqalaiguesat qataq na nque'eenaxacpi. Nataqa'en iuen da ỹalaxaguet nam lamaxasoxonaxacpi Ñim Lo'onatac 'Enauacna qataq queto'ot da ỹa'amaqteetac So Jesús.

Hebreos 6:11

Ỹataqta huo'o da qaryaxa da qoquiito'ot de'era qarasapachaqai, choche ivitta'a ca loga't da qanachaalataxaqui, yaqto' qauacoñiiguet 'enauac nam no'on maye chegoqchigui da qarhualaxaviqui.

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Hebreos 6:15

So Abraham huo'o da lhualaxavic co'ollaq iuattaique de'era, qaq Ñim Lo'onatac 'Enauacna ỹataqta ipaqueelec co'ollaxa de'era ỹachaxanapec.

2 Ts 3:5

Huo'o da qaryaxa da So Qarataxala' qami' itauneque da ỹataqta qauauochec na laỹepi shiỹaxauapi, 'eeta'am Ñim Lo'onatac 'Enauacna da ỹauotec 'enauac namayepi, qataq da qami' ỹanema da qara'añaxaqui da yaqto' ishet da qauataiỹa'aguet 'enauac da qanque'eenaxaqui, qoñiita'am So Cristo da nala'aguet co'ollaxa na nque'eenaxacpi.

Romanos 8:25

Qalaxaye da huo'o ca seuataqtaique da saxanaxa da selaqa'a, nache iuen da huo'o da qarhualaxavic da seuataqtaique.

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Salmos 40:1

Aỹem ỹataqta semato'ot da ñaquitaxac Ñim Nataxala', qaq Ñimaye hua'axaỹa da iỹaxanaxac,

Romanos 15:4

Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.

Habacuc 3:16

Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.

Romanos 5:4

Qaq da saỹaanaq da lleuenaxaguet na qanque'eenaxacpi, nache qomi' ỹaỹamaxareete' Ñim Lo'onatac 'Enauacna. Qaq Ñimaye da qomi' ỹaỹamaxareete', nache ỹataqta 'eesa da qomi' nca'alaxatre'c. Qaq de'era saỹatenaqta da ỹataqta 'eesa: Ñim Lo'onatac 'Enauacna ỹataqta ipacchigui cam ỹachaxanapec, ỹoqo'oye Ñimaye nlaxatchiguilo naua qarquiyaqtel da lsoxoyec, ỹachegoxotchigui So Saqcha'a Na'añaxac Qui'itta maye qomi' ỹanema.

Santiago 1:4

Qaq ỹoqo'oye iuen da qauataiỹa'aguet na qañe'eguenataguiiqui, chochaq ivitta'a ca loga't da qanachaalataxaqui, yaqto' qaviyiỹa'a da qami' no'o'n qataq qauaỹachiñi da qaualaqailec cam qami' qaỹamaxaleguete.

2 Pedro 1:6

qataq ñi 'oonolec da qoñiita da nala'agueta da nllerañi naua qauema lqopitaxanaqtaico. Qataq qauauo'oi da qarhualaxaviqui, qataq qaỹa'añiỹot da qanachaalataxaqui Ñim Lo'onatac 'Enauacna,