Lucas 21:12 - La'aqtaqa Ñim Lo'onatac 'Enauacna 2013

¹² Qaq qom saxanaxa da yo'oq 'enauac de'era, nache qami' qaỹaconeua'alo qome, qataq qami' qaicaata'ape. Ime, qaq qami' qaỹauegueua'alo ana napaxaguenaxaquipi na judiopi, nache qami' qaicoñe't. Ime, qataq qami' qaỹauegueua'alo na nta'alpi maye ilotague' naua 'aleu' qataq nam maiche lta'alpi namayepi, souaxat da qami' ỹapaxaguenataqa.

Nuevo Testamento Toba Sur

¹² Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Nuevo Testamento Toba Sombrero Negro

¹² “Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.

Lucas 21:12 Referans Kwoze

1 Pedro 2:13

Da yaqto' qaica ca qauema naua la'aqtaqa da detaqtega So Qarataxala' Jesucristo, nache qami' iuen da ỹataqta qaualaqaiguet 'enauac na nta'alpi. Qataq qaualaqaiguet ñi lataxala' na nta'alpi maye netaña ye nỹecpi ye Roma, cha'aye ñimaye nacheñi ñi qoỹanem da na'añaxac da ilotague' na 'alhuapi.

Hechos 22:30

Qaq so lỹa na'a'q, nache som nta'a huotaique da ỹaỹaten chaq ta'ainec na judiopi da nquiỹatega so Pablo. Nache nqa't so lque'ete somaye, nache ỹamaxalec da ỹo'ot so ltaxaỹaxac soua lataxala'ate na ntaxaỹaxanaxanecpi, nataqa'en 'enauac so nta'alpi maye nmit na nasouaxashet. Nache nqatec so Pablo da ỹataxanoigui somayepi.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Hechos 8:3

Qaq so Saulo, nache ỹataqta iqopitaxanapec da icaatac na ỹa'amaqten So Jesús, inoxotta'ape naua nma'ate. Cam ilalec ỹale, huo'otaq 'alo, nache ỹauogonnauec, nache ỹauegueuo, da yaqto' icoñi'.

Hechos 5:40

Nache 'enauac somayepi ỹaỹamaxareeta da 'enapec so Gamaliel. Nache qaiỹaxaneugalo soua Jesús lamaxa'she, nache qaỹalasheeta'ape qataq qoỹeetegalo da saishet da ỹa'axattrac da na'aqtaguec So Jesús. Ime, nache qaisore'c.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Mateo 22:6

qaq so laỹepi qalaq ỹataqta ỹaconeua'a so lamaxashecpi so nta'a, nache iuaxaatac, choche ivitta'a da ỹalauat.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Mateo 24:8

Qaq 'enauac ne'ena, nachena na chegoqchiguiña na que'eenaxacpi ana 'alhua.

Lucas 21:11

Qataq huo'o qome ca nacholaxanaxa naua pa'aiguelo naua laỹel ana 'alhua qataq ca nqouaxa. Qataq huo'oi qome naua nalolaxaco naua 'aleu'. Qataq qaila'a qome ca qaica ca 'ena'am da lchec qataq caua lta'al na'anqa na piguem.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.