Lucas 21:10 - La'aqtaqa Ñim Lo'onatac 'Enauacna 2013

¹⁰ Nache So Jesús queta da da'aqtaxaatac, 'eeta': –Ca ỹotta'a't shiỹaxauapi deloguiỹa't qome, qataq ca lta'alpi ca shiỹaxauapi delogui' ca lỹa nta'a.

Nuevo Testamento Toba Sur

¹⁰ Nachi so Jesús queta da da'aqtaxaatac, 'eeta': –Ca qompi delogui' qome ca laÿi qompi, qataq ca nta'a maichi delogui' ca lÿa nta'a.

Nuevo Testamento Toba Sombrero Negro

¹⁰ Qama'le Jesús enaac: “Ga'me noic delo'ye' ga'me noic laqaya, nataq'aen gaa'me nejaliaqa'te 'uo ga'me nalada't.

Lucas 21:10 Referans Kwoze

Marcos 13:8

Cha'aye na ỹotta'a't shiỹaxauapi deloguiỹa't, qataq ca lta'alpi ca shiỹaxauapi delogui' ca lỹa nta'a, qataq qalota na qalagoxoñi ana 'alhua, qataq huo'o ca nqouaxa. Qaq 'enauac ne'ena, nachena na chegoqchiguiña na que'eenaxacpi ana 'alhua.

Hebreos 12:27

Ñimaye da 'enapec: «Aỹem qaltaq she'eguelaxalec,» nache saỹatenaq da Ñimaye nqat qome 'enauac na maiche lo'onatacpi nam ishet da qanqochenaxat, da yaqto' nache ỹaataña nam saishet da ishet da qanqochenaxat.

Zacarías 14:13

Qaq que'eca na'a'q Ñim Nataxala', ỹataqta nlaxatchigui qome da lcolanaxa namayepi. Nache ñim 'oonolec ỹacona qome na lhuaq ca lỹa, qataq maiche taỹa't da deloctega't.

Isaías 19:2

Ñim Nataxala', 'enapec. «Aỹem so'ot qome da colaxagui ye Egipto le'ecpi, ñi 'oonolec qalaq delogui' qome ca lỹa, ye auochaxauapi qalaq maiche delogoỹa't, yem hueta'a ye huaqta'a't nỹecpi qalaq delogui' qome yem hueta'a ye lỹa huaqta'a't nỹecpi, ye nta'alpi qalaq nataqa'en maiche delogoỹa't qome.

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.

Lucas 21:9

Qaq qom huo'o ca qaua'aqaitapeguelec da nalattega'tpi qataq cam ỹo'ottapeguec ca nta'a maye ilotague' na lauo' le'ecpi, qalaq saishet qome da qayi'i. Cha'aye hua'auñi qome da anac 'enauac namayepi, qalaxaye saxanaxa qome da ivita ca loga'tna.

Lucas 21:11

Qataq huo'o qome ca nacholaxanaxa naua pa'aiguelo naua laỹel ana 'alhua qataq ca nqouaxa. Qataq huo'oi qome naua nalolaxaco naua 'aleu'. Qataq qaila'a qome ca qaica ca 'ena'am da lchec qataq caua lta'al na'anqa na piguem.