Lucas 20:9 - La'aqtaqa Ñim Lo'onatac 'Enauacna 2013

⁹ Qaq co'ollaq ime, nache So Jesús da'aqtaxanem so shiỹaxauapi, nache ỹauo'o da daloqnaxana, 'eeta': –Huo'o so ỹale ỹauo'o so lanaxanaqa' da ỹaañi ana uva. Qaq co'ollaq ime, nache ỹauo'o so naỹamaxate' 'onataxanaxaicpi da do'onataxaalec naqa'en se'eso lanaxanaqa'. Ime, nache taỹa ca lỹa 'alhua, nache huo'oi soua vi'iye da hueta'ague.

Nuevo Testamento Toba Sur

⁹ Qaq co'ollaq ime, nachi da'aqtaxanem so shiÿaxauapi, nachi ÿauo'o da daloqnaxana, 'eeta': –Huo'o so shiÿaxaua ÿauo'o so lanaxanqa' da ÿaañi ana uvas. Qaq co'ollaq ime, nachi ipataxalec so l'onataxanaxanecpi. Ime, nachi taÿa ca lÿa 'alhua, nachi huo'oi naua vi'iyi da hueta'ague.

Nuevo Testamento Toba Sombrero Negro

⁹ Chane'eja Jesús ja nayaloĝoden da'me 'yaĝatema ga'me jiyaĝadipi ga'me laloqotenaĝanaĝaiqui, enaac: “'Uo ñe'me jiyaĝaua jo'ne ya'uo jaga'me noqop'adit jo'ne uva lichidijat, yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, qama'le dajoyi ga'me qaya'ague.

Lucas 20:9 Referans Kwoze

Jeremías 2:21

Aỹem 'am saañi co'ollaxa qoneta'am aca no'on nañiguishe uva qataq aca ỹataqta no'on ala na uva. Qalaq ¿ta'ainco' da 'avi'eguelaxa da qoneta'am aca uva maye qauem qataq ỹoxosa'a?

Lucas 19:12

Nache So Jesús ỹauo'o da daloqnaxana, 'eeta': –Huo'o so ỹale 'amaqtaqaic, somaye qoỹanagui da nta'a, da ilo'ogue cam hueta'a 'alhua, qaq somaye jec da nqo'ona so lta'a na nta'alpi da yaqto' qoỹanagui da nta'a. Qaq co'ollaq mashe ime da qoỹanagui da nta'a, nache ỹe'eguelaxa cam 'alhua maye chegoqchiguiña da yaqto' ilo'ogue.

Mateo 25:14

De'era lo'onataxanaxac Ñim Lo'onatac 'Enauacna, damaye 'eeta'am da 'eetec co'ollaxa so ỹale da huo'o da lhuennataxac da qaỹoqtegue ca taigue. Nache iỹaxaneugalo soua lamaxa'she, nache ipataxaleguete aso alom da iloregue.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

Lucas 20:8

Nache So Jesús 'enapeco': –Aỹem nataqa'en sa saỹaten cam Aỹem ỹamaxalec da so'ot de'era.

Lucas 20:10

Qaq co'ollaq ivita so laloqo' da qanqat ana ala na nañiguishec, nache namaq so lamaxashec da iỹaxanot som 'onataxanaxaicpi, da yaqto' qaicolaxateuga acam talec somaye. Qalaxaye so 'onataxanaxaicpi iuaxaatac se'eso namaxashec. Ime, nache ỹamaq qui'itchiguilo naqa'en naua lhua'q.