Lucas 20:5 - La'aqtaqa Ñim Lo'onatac 'Enauacna 2013

⁵ Nache somayepi maiche ncotatega't, 'eeta': –¿Chaq hua'ague ca shenaqtec? Da shenaqapec da nacheñi Ñim Lo'onatac 'Enauacna da ỹamaxalec, qaq Damaye ỹoqta qome da qomi' 'enapegalo, 'eeta': «Qalaq ¿ta'ainco' qone' ye sa qaua'amaqchiñi?»

Nuevo Testamento Toba Sur

⁵ Nachi somayipi maichi ncotatega't, 'eeta': –¿Chaq huá'ague ca shinaqtec? Da shinaqpec da nachiñi ñi Dios da ÿamaxalec, qaq ÿoqta qome da 'eeta': “Qalaq ¿tá'ainco' qone' yi sa qau'amaqchiñi?”

Nuevo Testamento Toba Sombrero Negro

⁵ Qama'le mach'egaua necotayapega't, enapega't: “Qom ja'ataĝaguet queda'me nach'eñe Dios namaĝaquena, qama'le enaac qomle: «¿Toqoch'e ja a'uamaqachiñe?»

Lucas 20:5 Referans Kwoze

Hechos 13:25

Qaq so Juan co'ollaq mashe nayeeta'a ye laloqo' da nachaalataxac, nache somaye 'eetega na Israel le'ecpi 'eeta': «Aỹem saishet da nachaỹem cam qanpi'itaxañiitaique Lca'aguishec Ñim Lo'onatac 'Enauacna. Qalaxaye camaye aỹem nca'attaueegue, camaye ỹataqta saishet da yaloua'a, na'aictaxa da chochaq aỹem l-latac.»

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 3:26

Nache se'esoua napaxaguenataqa nqo'ooreua'a so Juan da da'aqtaxaarem, 'eetra': –'Am Napaxaguenataxanaq, ñaq 'antoueeta'ac peta'a so ỹale maye qomi' 'aua'aqtaxaateguema, som 'am hueta'aguet so lỹa na'a'q dam lỹa le'ego aso tala Jordán, Somaye nagui dachelaxanataxaatac. Nache 'enauac na shiỹaxauapi ca'attague'.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:30

Qaq aỹem sa'axattac namaye co'ollaq sheeta': «Huo'o na aỹem nca'attalec, namaye aỹem napacalec da la'amaqchec, cha'aye namaye nale'ena da huo'o co'ollaq saxanaxa ñañiguiñi.»

Mateo 16:7

Nache soua lapaxaguenataqa detaqtega't co'ollaxa, 'eetra': «Ỹoqta da nasaxauec de'era da Jesús souaxat da qomi' saishet da ñachoq aca nauole 'ayiiña.»

Lucas 20:4

¿Chaq negue't ca ỹamaxalec co'ollaxa so Juan da dachelaxanataxan? ¿Ñim Lo'onatac 'Enauacna peta'a, huo'otaq ca choche shiỹaxaua?

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.