Lucas 20:46 - La'aqtaqa Ñim Lo'onatac 'Enauacna 2013

⁴⁶ –Maxatchoxo' qome, qarvichiỹa'aguet nam dapaxaguenataxaatapeguec na namaxasoxonaxacpi. Cha'aye namayepi nqopita da ỹaatrañi naua no'o'n nogo maye ỹo'oxora'q, qataq nqopita da qaiyaata da qaiquin da huaña ca naponqa', qataq namayepi nmitta'ai anam so'onaxaqui maye ỹataqta ỹo'oxoraq anam paxaguenaxaquipi qataq nam ỹataqta no'on nquia'aqa'pi.

Nuevo Testamento Toba Sur

⁴⁶ –Maxatchoxo' qome, qadvichiÿa'a nam dapaxaguenataxaatapeguec na nqataxacpi. Cha'ayi namayipi nqopita da ÿaatrañi naua logodaiqa anogo mayi ÿi'oxoda'q, qataq nqopita da qaiyaata da qaiquin da huaña ca naponqa', qataq namayipi nmitta'ai anam so'onaxaqui mayi ÿataqta ÿi'oxodaq anam naponaxaquipi qataq nam ÿataqta no'on nqui'aqa'pi.

Nuevo Testamento Toba Sombrero Negro

⁴⁶ “Achiya'agueta joga'me judiopi napaĝaguenoqo'tpi jo'ne noqopideta da'me yaidiñe gaa'me yatedañe da'me leuo jo'ne yededañe nale yeuo'tape, nataq'aen nale yec'adeta ga'me laeñi ga'me noic qama'le jetaque qo'nonaĝachiguilo da'me qoyep'iye'n. Nataq'aen nale tadoue ga'me nemaĝaiqui qama'le 'yatalo gaa'me je'onaĝaiqui' jo'ne p'adeuo jo'ne qoyi'yoĝoden nataq'aen 'yatalo gaa'me 'lachaqa'te jo'ne onaĝayaqa nale deque'y.

Lucas 20:46 Referans Kwoze

Lucas 11:43

¡Ỹataqta qauem da qa'aita'ague qami' fariseopi! Qami' naxa da qa'aiua'a añi napaxaguenaxaqui na judiopi, nache qarqopitaxache naxa da qami' qaỹaỹamaxatte' da qoñiita'am na shiỹaxauapi maye 'amaqtaqaicpi. Qataq qarqopitaxache naxa da huaña ye menaqa', da na shiỹaxauapi qami' iqui'n qalaq lta'araic da 'enec naqa'en da qoñiita.

Lucas 14:7

Qaq So Jesús co'ollaq ỹauaachigui som ncoyeguenatacpi se'eso nquia'axac da lca'ataua'a anam ỹo'oxoraq so'onaxaquipi som nquia'axala'. Nache ỹan da lqataxac, 'eeta':

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Mateo 16:6

Nache So Jesús 'enapegalo soomaye, 'eeta': –Maxatchaxa qome, qarvichiỹa'a ana ỹasheeraxachigui ca ndaqñiguishec 'ayiiña maye huetaigui na fariseopi qataq na saduceopi.

3 Juan 1:9

Aỹem sauo'o co'ollaxa aso ỹere da samaxa na ỹa'amaqten so Jesús, qalaxaye so Diótrefes saishet da ỹaconeguet da ỹamaxasoxonaxac, cha'aye somaye nqopita da nachaqsota da damaxasoxootac.

2 Timoteo 4:15

Maxatchaxa, 'arvita'agueto' qome somaye, cha'aye somaye ỹataqta dataỹa'aguet da qara'aqtaxanaxac.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Mateo 23:1

Nache So Jesús 'enapega so shiỹaxauapi qataq soua lapaxaguenataqa, 'eeta':

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.