Lucas 20:36 - La'aqtaqa Ñim Lo'onatac 'Enauacna 2013

³⁶ Cha'aye huaña da namayepi da qaltaq qanca'alaxatec, nache saishet da qaltaq ileu. Qataq nache 'eeta'am na piguem le'ecpi lamaxashecpi Ñim Lo'onatac 'Enauacna qataq ỹataqta llalaqpi Ñimaye.

Nuevo Testamento Toba Sur

³⁶ Cha'ayi huaña, qaq sa ishit da huo'o ca ileu. Cha'ayi namayipi 'eeta'am nam piguem l'ec lamaxashicpi ñi Dios. Cha'ayi mashi qaltaq qanca'alaxateec, nachi namayipi ÿataqta llalaqpi ñi Dios.

Nuevo Testamento Toba Sombrero Negro

³⁶ qa'a male ja yitaĝa yele'u. Da'me ena'ama qomle gaa'me piyem laje', nataq'aen yataqachiñe Dios lec'oqo'tolqa queda'me 'niyelaĝadijeguem.

Lucas 20:36 Referans Kwoze

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Filipenses 3:21

Qaq Somaye naralaxat qome da qaro'ocỹaxac maye qaica ca la'añaxac, da yaqto' 'eeta'am naqa'en dam lo'ocỹaxac maye ỹo'oxoraq. Qaq damaye ỹachegoxotchigui da la'añaxac maye nachera da do'onataxana qome da ilo'ogue 'enauacna.

Mateo 22:30

Cha'aye qom ivita da qaltaq qanca'alaxatec na leuaxaicpi, nache saishet da huo'o ca huaron, cha'aye namayepi 'eeta'am na lamaxashecpi Ñim Lo'onatac 'Enauacna.

1 Corintios 15:42

Qaq nache 'eetec nataqa'en qom qanca'alaxatec na leuaxaicpi.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

1 Corintios 15:26

Qaq que'eca pa'atec da qanauec qome, nachera da nleuaxa.

Marcos 12:25

Cha'aye qom ivita da qaltaq qanca'alaxatec na leuaxaicpi, nache ca ỹale qataq aca 'alo saishet da huaron, cha'aye 'enauac da 'eeta'am da lataxac na namaxashec piguem le'ecpi.

1 Corintios 15:49

'Eeta'am da nagui qomi' sanaqtañi da lo'ocỹaxac so hua'auchiguiñi ỹale maye qaỹachegoxotaigui ana 'alhua, qaq nache 'eetec nataqa'en qome da shenaqta'am da lo'ocỹaxac So Cristo maye piguem le'ec.

Zacarías 3:7

«'Era da la'aqtac Ñim Nataxala' maye Qaica ca Ỹaqalanapec: ‹Da qoquetegue da ñeqa'aicỹaxac, qataq da 'aupaqueelec da 'am samaxalec, nache 'am sanem qome da 'aulotague' añi ỹalamaqte atamnaxaqui, qataq ye nqasoxoc, qataq Aỹem sauo'o qome ca 'aro'onataxanaxac da 'aualectaigui nam ỹamaxashecpi piguem le'ecpi.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Romanos 8:16

Se'eso Saqcha'a La'añaxac Ñim Lo'onatac 'Enauacna huaxaiguet so saqcha'a qarca'alaxa, nache ỹataqta 'itchiguiñi naqa'en da qomi' llalqa Ñimaye.