Lucas 20:35 - La'aqtaqa Ñim Lo'onatac 'Enauacna 2013

³⁵ Qalaxaye cam taiguet qominchiye da inoxoneua'a cam lỹa 'alhua, qom mashe qanca'alaxatec nam leuaxaicpi, que'eca 'alhua, huaña, nache aca 'alo qataq ca ỹale saishet da huaron.

Nuevo Testamento Toba Sur

³⁵ Qalaxayi cam tachigui qominchiyi da inoxoneu'a cam lÿa 'alhua qom mashi qanca'alaxateec nam leuaxaicpi, que'eca 'alhua, huaña, nachi sa ishit da huo'o ca huadon, qataq sa ishit da huo'o ca ÿadonaxanaxan aca llale.

Nuevo Testamento Toba Sombrero Negro

³⁵ qalaĝaja jogaa'me jo'ne Dios yayate'n da'me naloteda'aguet da'me qoyiyala'aque qomle da'me 'niyelaĝadijeguem qaedi yacoteguet da'me 'loyaĝa'j jo'ne ja 'naidena'a, naqaegaua male ja yitaĝa 'uona't,

Lucas 20:35 Referans Kwoze

2 Ts 1:5

Qaq damaye ỹachaxan da Ñim Lo'onatac 'Enauacna ỹataqta 'eesa da nachera da lataxac da lo'onataxanaxac da inoxoneua'a naqa'en nam huo'o da nque'eenaxac nagui.

Juan 5:29

nache chegoqchiguingui ana nhuachiquipi da ñesheguem. Nache nam ỹo'ottac ca ỹaỹamaqchiguiñi qaltaq nca'alec, da yaqto' chochaq tatec da hueta'aguet Ñim Lo'onatac 'Enauacna. Qaq nam ỹo'ottac ca sa ỹaỹamaxañi qalaq nca'alec, da yaqto' qaỹauo'o ca nhuaxanaguec.

Hechos 24:15

Qataq nache shena'am namayepi dam qanaquitaxac Ñim Lo'onatac 'Enauacna da na leuaxaicpi ishet da qaltaq nca'alec naqa'en, cam no'on da lataxac qataq cam qauem da lataxac.

Hechos 5:41

Nache se'esoua Jesús lamaxa'she chegoqtoiguilo so nta'alpi ỹataqta huo'o da ntonaxa'c, cha'aye Ñim Lo'onatac 'Enauacna ỹasheetegueta soomaye da huo'o da nque'eenaxa'c, huasoirelec da ỹataqta ỹalaxareguet So Jesús.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Hebreos 11:35

Huo'o na 'alpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye Ñimaye ỹo'otec da na llalaqpi maye mashe saqca, ỹe'eguelaxalec da qaltaq nca'alec. Qataq huo'o na ỹataqta lta'araic da lpi'iỹaxac Ñim Lo'onatac 'Enauacna, nache saishet da ỹaỹamaxaren da qaisouec. Nachaqrata da hua'aqta'a da qaỹalauat, cha'aye ỹaỹaten da taỹa'a da qaltaq nca'alec, nache ivira ca achaalataxac maye ỹoqta ỹactec da 'onaxaic.

Marcos 12:24

Nache So Jesús 'enapeco': –Qami' qausomiỹapec, cha'aye saishet da qauaỹachiñi' naua nanettaleguete ana nere maye huetalec na la'aqtacpi Ñim Lo'onatac 'Enauacna qataq da la'añaxac Ñimaye.

Mateo 22:29

Nache So Jesús 'enapeco': –Qami' qausomiỹapec, cha'aye saishet da qauaỹachiñi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, qataq da la'añaxac Ñimaye.

Marcos 10:42

Nache So Jesús iỹaxanalo 'enauaque soomaye, nache 'enapegalo, 'eeta': –Qami' qauaỹaañita da lataxac na nataxala'pi maye ilotague' na shiỹaxauapi ana 'alhua, namayepi saishet da huo'o ca ỹashenem da huo'o ca ỹo'ot da huo'otaq saishet da qaisoxon. Nataqa'en na nataxala'pi maye ỹo'oxoraicpi na 'alhuapi, ỹataqta ỹachelec da la'añaxac ñi 'oonolec nam hueta'a que'eca 'alhua.

Lucas 16:8

Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.