Lucas 20:26 - La'aqtaqa Ñim Lo'onatac 'Enauacna 2013

²⁶ Nache saishet da huo'o ca ỹachegoxotchigui da ỹo'ot ca lasouaxashet naqa'en dam 'enapec co'ollaq datata'agueta Somaye. Chaqrata da ỹataqta huo'o da la'aalaqa' soomaye dam 'enapec So Jesús. Huaña, nache ỹe'emaqto'm.

Nuevo Testamento Toba Sur

²⁶ Nachi sa ishit da huo'o ca qaÿachigoxotchigui lasouaxashit qanqoÿin dam 'enapec co'ollaq datataigui so shiÿaxauapi. Chaqdata da ÿataqta huo'o da l'aalaxa somayipi dam 'enapec so Jesús. Huaña, nachi ÿi'imaqtom.

Nuevo Testamento Toba Sombrero Negro

²⁶ Qama'le yema gaa'me 'laqataqa jo'ne domachiyalo ga'me jiyaĝadipi qaya ga'me qoyauana ta'le qoyen uajoilegue qaedi qoyecoñe', nach'edata da'me yoqoch'ema gaa'me 'lataĝaco qama'le 'nemaĝadela'ajalo jogaa'me.

Lucas 20:26 Referans Kwoze

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Tito 1:10

Cha'aye mashe qalota na sa ỹalaq, qaq namayepi nachena nam chegaqaigui da la'amqaanataxanaxac na judiopi. Namayepi naua ltaxaỹaxaco ỹataqta qaica ca naiguilo, qataq ỹatenachettac na shiỹaxauapi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Lucas 13:17

Qaq co'ollaq 'enapec de'era So Jesús, nache 'enauac nam depa'aguenataxaatac ỹataqta huo'o da la'aloxo. Qaq nam shiỹaxauapi, qalaxaye 'enauac huo'o da ntonaxac, souaxat nam ỹauaachigui ỹo'otpi So Jesús maye qaica ca 'ena'am da llo'oxoyec.

Mateo 22:34

Qaq so fariseopi co'ollaq ỹaỹaten da So Jesús na'axaỹaxaataiya' naqa'en so saduceopi, nache so fariseopi lapona't da detaxaỹapega't da qanqo'ona So Jesús.

Mateo 22:22

Qaq co'ollaq hua'aqchigui de'era so chegaqaigui na fariseopi, nache somayepi ỹataqta huo'o da la'aalaxa, nache jec.

Mateo 22:12

nache 'enapega somaye, 'eeta': ‹¡'Am iỹa! ¿Ca 'eeteco' da 'ausheto' co'ollaxa da 'ampa'auo ye 'aỹa'aatrañi naua anogo maye saishet da lataxau' da qaỹalegueua'a de'era naponaxac?› Qalaxaye somaye saishet da ỹasat.

Daniel 6:4

Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.

Mateo 8:10

Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!

Lucas 11:54

Qalaxaye choche ỹe'egueetac So Jesús, saiuena'a da huo'otaq huo'o ca nasaxauec la'aqtac sa ỹaỹamaxañi, qaq nacheca chegoqchigui naqa'en da huo'o ca ỹasaxalec lasouaxashet.