Lucas 20:23 - La'aqtaqa Ñim Lo'onatac 'Enauacna 2013

²³ Qalaxaye So Jesús ỹauattooteguet da qauem lhuennataxac soomaye, nache 'eeta': –¿Ta'ainco' ye choche Aỹem qavi'iguiñiitac?

Nuevo Testamento Toba Sur

²³ Qalaxayi so Jesús ÿauattooteguet da qauem lhuennataxac somayipi, nachi 'eeta': –¿Tá'ainco' yi chochi aÿim qauayiñiitac?

Nuevo Testamento Toba Sombrero Negro

²³ Qalaĝaja ñe'me yayate'n da'me lelnataĝaco ja 'noe'n, qama'le enaac:

Lucas 20:23 Referans Kwoze

1 Corintios 3:19

Cha'aye da naỹaanec maye lma'na, damaye 'eeta'am da choche 'oopashec naqa'en Ñim Lo'onatac 'Enauacna. Cha'aye ana nere maye huetalec na la'aqtacpi Ñimaye 'eeta': «Ñim Lo'onatac 'Enauacna ỹo'otec na ỹaanaxanaxaicpi da maiche que'emaxam da latenataxanaxac da huo'o ca huotaique da ỹatenachet.»

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Lucas 6:8

Qalaxaye So Jesús ỹaỹaten da lhuennataxac somayepi; nache 'enapego' som ỹale maye deqaqta na lhuaq, 'eeta': «Qoñisheguem qome. Ime, qaq 'anachaangui na laiñi.» Nache so ỹale nachaañi tangui na laiñi so shiỹaxauapi.

Lucas 5:22

Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?

Mateo 22:18

Qalaxaye So Jesús ỹaỹaten dam qauem 'eetapeguec somayepi. Nache 'enapega, 'eeta': –Qami' maye qoñiitega da qami' 'eesora, ¿ta'ainco' ye Aỹem qavi'iguiñiitac?

Mateo 16:1

Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

Salmos 95:9

yem huaña co'ollaq aỹem ỹe'eguen so hua'au qarta'ailpi, na'aictaxa da ỹauaachigui co'ollaxa nam so'otpi.

Lucas 20:22

Ỹoqo'oye qomi' 'aua'aqtaxanema: ¿peta'a ỹaỹamaqchiguiñi da sesheetenaq ñim lta'a nam nta'alpi maye netaña ye Roma, qalqo' saishet?

Lucas 20:24

'Ego', ñaq Aỹem qauachaxañiỹa acam anom lcatole. Ime, nache So Jesús inatta'ape soomaye, 'eeta': ¿Negue't lashec ñim huetalec? Qataq ¿negue't le'enaxat yem nanettalec? Nache soomaye 'ena'apo': –Qomye nacheñi ñim lta'a na nta'alpi maye netaña ye Roma.

Hechos 13:10

nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.