Lucas 20:22 - La'aqtaqa Ñim Lo'onatac 'Enauacna 2013

²² Ỹoqo'oye qomi' 'aua'aqtaxanema: ¿peta'a ỹaỹamaqchiguiñi da sesheetenaq ñim lta'a nam nta'alpi maye netaña ye Roma, qalqo' saishet?

Nuevo Testamento Toba Sur

²² Qaq qomi' 'au'aqtaxanema qome: ¿peta'a ÿaÿamaqchiguiñi da qaishiiten ñim nta'a mayi ilo'ogue nam nta'alpi, loqo' chaq sa ishit?

Nuevo Testamento Toba Sombrero Negro

²² Jega, ¿qo'li chimaqachiñe da'me jejetenaq ñe'me lejaliaĝane'j ga'me Roma laje'pi, uotaĝa ja naq'aeta?

Lucas 20:22 Referans Kwoze

Nehemías 9:37

Qaq na ala na nañiguishec maye sa qoue qalaq taỹot nagui na nta'alpi maye qomi' ỹamaqta'ape, souaxat na qarasouaxashetpi. Cha'aye namayepi 'añaxaicpi, nache maiche ỹoiqueetac ca ỹataxaateugalo qomi' qataq na qana'atecpi. Qaq ỹoqo'oye ỹataqta lta'araic da qaraquicoxo.

Hechos 5:37

Qaq co'ollaq qaỹata'ague de'era, nache qaltaq huetoigui so na'a'q co'ollaq qoỹiyiñi 'enauac na shiỹaxauapi da qanaloqna't, nache nachaañi so Judas, Galilea le'ec. Qaq nache 'ena'am ỹataqta qalota na quegue somaye. Qalaxaye somaye nataqa'en qaỹalauat, nache 'enauac nam quetague'pi nlagaxattac.

Mateo 17:25

Nache so Pedro 'enapeco': –Aja', isheeten. Nache so Pedro co'ollaq pa'aigui so nỹec maye hueta'a 'enauac somayepi, nache So Jesús hua'aulec da inat somaye, 'eeta': –Aỹem 'aua'aqtaxanem Pedro ¿Chaq negue't cam iỹaxanot na nta'alpi da desheetenaxan qataq da ỹauo'o aca ltaunaxanaqte? ¿Cam shiỹaxauapi maye hueta'a cam ilotague' 'alhua huo'otaq cam ỹaqa'a ca chegaqa'ague?

Nehemías 5:4

Nataqa'en huo'o na 'eeta': «Qomi' da huo'omshe ishet da sesheetenaq añi nsheetenaqte ca nta'a, cha'aye huo'o aso qara'aale anom plata, qalaxaye sepatanaqauo na qana'alhua qataq na qorañiguishe uva lma'pi.»

Esdras 9:7

Qataq mashe qaỹoqteguelo soua vi'iye, choche ivitta'a nagui, da ỹataqta lta'araic de'era qarasouaxashet. Qaq souaxat ne'ena qauemsat, nache qomi', qataq na qarta'alpi, qataq na ntaxaỹaxanaxanecpi, qomi' qoỹanegueta da la'añaxac na lta'alpi na ỹotta'a't shiỹaxauapi maye qarhuoreuapi. Nache qomi' qaique'emaqcheteque so ỹeelonec, qataq qomi' nlataqa, qataq qomi' qanhuo't, qataq qomi' qane'eetapiguilo, choche ivitta'a nagui.

Esdras 4:13

Nataqa'en sauoqtaique da 'auaỹateeta da yi'iye shiỹaxauapi qom mashe imat da no'oxoosheguem yem huaqta'a't nỹecpi qataq na lpaqtaxat yemaye, nache yemayepi 'am dataỹa'aguet, nache saishet qome da isheeten aca nsheetenaqte ca nta'a, huaña nache na'aqchet ana naỹoñeguishe maye nsheetenaxanaqte.

Deuteronómio 17:15

qaq da huo'o ca qaỹa'añiỹagui da nta'a que'eca qana'alhuai, nache qalca'aiua'a ca maiche qarhuo'oi le'ec, qataq lca'aguishec Ñim Nataxala' maye Qanatamnaxala'ai. Nache saishet da qauacoñiua'a ca chegaqauec maye saishet da qarhuo'oi le'ec da yaqto' qarta'ai.

Lucas 20:21

Qaq ỹoqo'oye soomaye ỹauo'o da lnataxanaxa'c, 'eeta': –'Am Napaxaguenataxanaq, qomi' saỹaanaq da nache 'eetai' naxa da saishet da saq 'en ca 'aua'axat qataq saishet da 'auqochetega ca maiche 'eetapeguec na shiỹaxauapi, chaqrata da ỹataqta 'alotelec da 'arapaxaguenataxanaxac qaltaq nache 'eetai' da qoqueto'ot da qomi' qonetegalo da ỹataqta salaxasoxoguet Ñim Lo'onatac 'Enauacna.

Lucas 20:23

Qalaxaye So Jesús ỹauattooteguet da qauem lhuennataxac soomaye, nache 'eeta': –¿Ta'ainco' ye choche Aỹem qavi'iguiñiitac?

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Romanos 13:7

Qaq ỹoqo'oye iuen da ñi 'oonolec shiỹaxaua isheeten acam iuen da isheeten, da huo'otaq nachañi añi iỹaxanaique ca nta'a huo'otaq aca qalaỹootega't ntaunaxanaqte, huo'otaq cam iuen da huo'o naq 'enec qanqa'en huo'otaq souaxat da huo'o da nauoche.