Lucas 20:17 - La'aqtaqa Ñim Lo'onatac 'Enauacna 2013

¹⁷ Qalaxaye So Jesús ỹamataigui somayepi, nache 'eeta': –Qaq ¿hua'ago' ca 'eetec naua ñiyigui'she la'aqtaqa Ñim Lo'onatac 'Enauacna maye 'eeta'?: Som coma' maye ỹo'otan na nỹec lo'opi co'ollaxa, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Nuevo Testamento Toba Sur

¹⁷ Qalaxayi so Jesús ÿamataigui somayipi, nachi 'eeta': –Qaq ¿huá'ago' ca 'eetec naua ñiyigui'shi l'aqtaqa ñi Dios? Mayi 'eeta': Ca coma' mayi i'otan co'olloxochiyi nam noÿic l'opi, nachica nagui ca qadamchiguiñi naq'en cam noÿic.

Nuevo Testamento Toba Sombrero Negro

¹⁷ Qalaĝaja Jesús yelochiguilo, qama'le enaac: —Qama'le ¿jach'e jogamaĝa yelo'teguet dojo' jo'ne 'yaĝatetac ga'me nedii's: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec»?

Lucas 20:17 Referans Kwoze

Salmos 118:22

Qaq so coma' maye ỹo'otan co'ollaxa nam nỹec lo'opi, nacheso nagui som lo'oxonaxala' da huo'o ca qano'oxoosheguem.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Hechos 4:11

Qami' de'era qauo'oche qoñiita'am ca nỹec lo'opi da ỹalat ca coma', qalaxaye nagui se'eso coma' ỹe'eguelaxa da ỹataqta nhuenec da nlletañi 'enauac ca nỹec.

Mateo 21:42

Nache So Jesús 'enapeco': –¿Qami' peta'a sa ỹauanapego' da qautaxaỹaxañi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna maye, 'eeta'?: «So coma' maye ỹo'otan co'ollaxa, som ỹo'oxootac añi no'onaxanaxaqui late'erai nacheso nagui som ỹe'eguelaxa da ỹataqta nhuenec da qaỹo'ot ca nỹec. Qaq damaye ỹo'ot da qara'aalaxa, cha'aye nacheñi Ñim Lo'onatac 'Enauacna maye ỹo'ot de'era.»

Marcos 12:10

¿Saishet peta'a da qantooñic dam nanettalec ana nere maye huetalec na la'aqtacpi Ñim Lo'onatac 'Enauacna maye, 'eeta'?: ‹So coma' maye ỹo'otan co'ollaxa, som ỹo'oxootac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Zacarías 3:9

'Am Josué, ña 'aumeten nam coma' maye 'am sataxanot, namaye siete naua laỹel. Qaq nache Aỹem qome da sauo'o ca serelec namaye. Qaq ime qome nache huaigui ñaqa'en ca 'oonolec na'a'q da sapalaxat na lasouaxashetpi nam netalec ne'ena 'alhua.

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Lucas 22:61

Huaña, nache So Jesús namataique so Pedro, nache so Pedro tachigui lauel da la'aqtac So Jesús co'ollaq 'eeta': «Qomele qom nỹen ca 'olgaxa, qaq mashe tres qome da 'avi'eguelaxalec da 'anqoleguettac da qonetega da Aỹem sa 'auauatton.»

Marcos 10:23

Nache So Jesús ỹamataiguilo soua lapaxaguenataqa, nache 'enapegalo, 'eeta': –¡Ỹataqta huo'o da lqalaic ca sallaxanec da ỹaconeguet Ñim Lo'onatac 'Enauacna da ỹauo'o lta'a!

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Lucas 19:41

Qaq co'ollaq mashe nayeetaua'a ye Jerusalén, nache co'ollaq ilaua'a yemaye, nache So Jesús nỹeelec som shiỹaxauapi maye hueta'a yemaye.

Zacarías 10:4

Qaq namayepi nachena qome na chegaqaigui ca 'eeta'am ca coma' maye na'attalec ca nỹec, qataq ca 'eeta'am ana lashe ca npe'l, qataq ca 'eeta'am ca checnec maye alaataxaqui. Qataq nache chegaqaigui qome 'enauac cam nataxala'pi.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

1 Pedro 2:6

Cha'aye da la'aqtaxanaxac Ñim Lo'onatac 'Enauacna maye nanettalec ana la'aqtac lmalate Ñimaye 'eeta': «Aỹem da soota'a ye Jerusalén qalaq sheeta'am ca coma' maye qaica ca 'ena'am da lyac qataq nca'aguishec. Aỹem coma' maye ỹataqta nhuenec qaq da ỹo'onataxanaxac ñelletañi ca nỹec. Qaq cam Aỹem pi'iỹa'a nache camaye saishet da qaỹatenachet.»