Lucas 20:13 - La'aqtaqa Ñim Lo'onatac 'Enauacna 2013

¹³ Qaq pa'atec, nache som lalamaxat se'eso nanaxanaqa' 'enapeco': «Qaq nagui ¿chaq hua'ago' ca sheetec? Nagui aỹem samaq ñim ỹauotaxat ỹalec, yaqto' qom ila'a camayepi, qaq ỹoqta qome da ilo'oguet.»

Nuevo Testamento Toba Sur

¹³ Nachi som lalamaxat se'eso 'alhua nachi 'enapeco': “Qaq nagui ¿chaq huá'ago' ca shiitec? Nagui aÿim samaq ñim ÿauotaxat ÿalec, yaqto' qom qaila'a, qaq ÿoqta qome da qailo'oguet.”

Nuevo Testamento Toba Sombrero Negro

¹³ “Chane'eja ñe'me loĝot ga'me uva lichidijat enaac: «¿Jach'e jogamaĝa ja'uo nayi? Chimaqachiñe da'me jamaq nayi ñe'me yalec jo'ne jauotec; uotaĝa maqachaĝa qouatec'a.»

Lucas 20:13 Referans Kwoze

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jeremías 36:3

Saiuena'a na Judá le'ecpi da huo'otaq ỹaỹaten 'enauac nam qauempi maye huotaique da ñamaxa namayepi, nache ishet da ỹaxanec dam qauem lataxac, nache Aỹem sechoxoren qome namayepi qataq sapalaxat nam lasouaxashetpi.»

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Lucas 9:35

Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Isaías 5:4

¿Negue't ca lỹa ishet da so'ot na ỹanaxanaqa' uva lma'? ¿Peta'a huo'o ca lỹa maye saxanaxa da so'otec namaye? Aỹem seuatta'a co'ollaxa da huo'o aca ỹataqta ama ala ana uva, qalaxaye ¿ta'ainco' da ỹataqta ñe'eua aso ala ana uva?

Ezequiel 12:3

Qaq ỹoqo'oye 'auqataxanai' qome cam ỹataqta 'auen da yaqto' qoca'ai ne'ena 'alhua, qaq laiñi qome ca na'a'q, qataq 'am ỹauaategue qome 'enauac nam shiỹaxauapi da qoca'ai na 'arma', da 'anqo'ona ca lỹa nma', saiuena'a da ne'ena nhuo' le'ecpi ỹaỹaten da qauemaicpi

Lucas 18:2

Nache 'enapeco': «Huo'o so nmit na nasouaxashetpi maye netaña so 'oonolec so saq 'amaqtaq nỹecpiolec. Somaye ỹataqta qaica ca 'enec naqa'en Ñim Lo'onatac 'Enauacna qataq 'enauac nam shiỹaxauapi.

Lucas 18:4

Qalaxaye se'eso ỹale ỹataqta huo'oi soua na'axa'te da saishet da ilo'oguet asomaye. Qalaxaye co'ollaq qaỹoqtegue, nache somaye deuennataxaatac, 'eeta': ‹Aỹem na'aictoxo' da saishet da huo'o ca 'enec ñaqa'en Ñim Lo'onatac 'Enauacna qataq 'enauac nam shiỹaxauapi,

Lucas 20:12

Ime, qaltaq ỹe'eguelaxalec da namaq so lỹa lamaxashec, qalaxaye som 'onataxanaxaicpi nataqa'en ique'emaqchet somaye qataq ỹo'orauec.

Lucas 20:14

Qalaxaye som 'onataxanaxaicpi co'ollaq ila'aguet somaye, nache detaxaỹapega't, 'eeta': «'Ena qome na talec qanqa'en ne'ena nanaxanaqa' qom ileu cam lta'a. Salauataq nagui namaye, yaqto' qomi' ishet qome da qaralamaxat namaye.»