Lucas 20:10 - La'aqtaqa Ñim Lo'onatac 'Enauacna 2013

¹⁰ Qaq co'ollaq ivita so laloqo' da qanqat ana ala na nañiguishec, nache namaq so lamaxashec da iỹaxanot som 'onataxanaxaicpi, da yaqto' qaicolaxateuga acam talec somaye. Qalaxaye so 'onataxanaxaicpi iuaxaatac se'eso namaxashec. Ime, nache ỹamaq qui'itchiguilo naqa'en naua lhua'q.

Nuevo Testamento Toba Sur

¹⁰ Qaq co'ollaq ivita so laloqo' da qanqat ana ala, nachi namaq so l-latac da iÿaxanot som 'onataxanaxaicpi, da yaqto' qaicolaxateuga acam nlatac. Ime, nachi qaÿi'iguelaxatchigui.

Nuevo Testamento Toba Sombrero Negro

¹⁰ Ca'li yovita ga'me laloqo' da'me qonaqat jaga'me jala, qama'le yamaĝalo ga'me lalemaĝajet gaa'me onataĝanaĝayaqa qaedi qoyanem ga'me lae ga'me jalayaĝac jaga'me uva; qalaĝaja jogaa'me ye'uaĝa'n nataq'aen qaya'te qoyanem da'me 'viyelaq.

Lucas 20:10 Referans Kwoze

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

Romanos 7:4

Qaq nache 'eetec nataqa'en qami' ỹaqaỹarolqa maye qana'ayeetaua'a da lo'ocỹaxac So Cristo, chegoqchigui da l-leuaxa Somaye, qaq qami' mashe saishet da qami' huetaleguete da la'añaxac na namaxasoxonaxacpi. Cha'aye nagui mashe qami' lalamaqa'ate So Cristo, maye Ñim Lo'onatac 'Enauacna nca'alaxateeguesop da l-leuaxa. Qaq ỹoqo'oye qomi' ishet da so'onataxanaqot Ñim Lo'onatac 'Enauacna da so'otaq ca no'on.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 20:2

nache damaxasoxoolec da qaiuaxan qataq qaicoñerai', qoỹanagui so ncoñetaxanaxat 'epaq maye naña so lta'araic nasom so Benjamín maye saqaỹapeque aso atamnaxaqui.

Jeremías 5:24

Saishet da qauennataxañi qataq da, qoñiita': Huo'o naq 'enec ñaqa'enaq Ñim Nataxala' maye Qanatamnaxala', cha'aye qomi' namaxalo naxa na auot maye huaigui yem cotap qataq ye nauoxo, qataq ipacchigui naqa'en ye laloxoqui da ñeqataq na ala na qorañiguishec.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Nehemías 9:30

Qataq qaỹoqteguelo soua vi'iye da 'anhualaxaueetague' somayepi, qataq 'auachegoxotchigui da lta'araic 'ara'añaxac, qataq so 'ara'aqtaxanaxanecpi da 'anhuoxoqtega somayepi qalaxaye ỹoqta 'am sana'axaỹaxana, ỹoqo'oye qaltaq 'aỹa'aneguet da lhuaqỹaxac so npa'aguenaxauapi, maye lma' yi'iye 'alhua.

2 Crónicas 16:10

Huaña nache so Asa, ỹataqta dalemataỹa so na'aqtaxanaxanec, nache damaxasoxoolec da qoỹanaigui aso ncoñetaxanaxaqui. Nataqa'en nache huetoiguilo se'esoua na'axa'te da so Asa, huo'o so ỹataqta sa iyacnapecpi se'eso nhuo' le'ecpi.

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

1 Reyes 22:24

Huaña, nache so Sedequías, som llalec so Quenaná, ca'ata so Micaía, nache iuaxanoigui na lashec, nache 'eeta': Che ¿hua'ago' ca tateuga se'eso lamaxashec Ñim Nataxala', co'ollaq aỹem ca'ai da yaqto' 'am detaxaỹot?

Lucas 20:9

Qaq co'ollaq ime, nache So Jesús da'aqtaxanem so shiỹaxauapi, nache ỹauo'o da daloqnaxana, 'eeta': –Huo'o so ỹale ỹauo'o so lanaxanaqa' da ỹaañi ana uva. Qaq co'ollaq ime, nache ỹauo'o so naỹamaxate' 'onataxanaxaicpi da do'onataxaalec naqa'en se'eso lanaxanaqa'. Ime, nache taỹa ca lỹa 'alhua, nache huo'oi soua vi'iye da hueta'ague.

Lucas 20:11

Nache som lalamaxat se'eso nanaxanaqa' qaltaq namaq so lỹa lamaxashec. Qalaxaye, nataqa'en somaye qaisheueetac qataq qaiuaxaatac, qataq saishet da huo'o ca qoỹami'.

1 Crónicas 19:4

Qaq huaña, nache so Janún, damaxasoxoolec da qaỹaconeua'a so lamaxashecpi so David, nache qanamarec ana lqa' lauepi qataq qaicolaxata'aguelo soua alogo, nache tachiguiñalo qanqa'en naua lleegue, ime, nache ỹamaq da ỹe'eguelaxat.