Lucas 2:47 - La'aqtaqa Ñim Lo'onatac 'Enauacna 2013

⁴⁷ Nache 'enauac nam na'axaỹaxaatega So Jesús ỹataqta huo'o da la'aalaxa souaxat na laỹaanec, qataq da ỹasateguet da lnataxanaxac somayepi.

Nuevo Testamento Toba Sur

⁴⁷ Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.

Nuevo Testamento Toba Sombrero Negro

⁴⁷ Nataq'aen ena'uaque gaa'me jo'ne domachita joñe'me jalcote da'me yoqochetem da'me layatenaĝanaĝac nataq'aen daa'me 'lataĝaco.

Lucas 2:47 Referans Kwoze

Mateo 7:28

Qaq So Jesús co'ollaq imat da la'aqtaxanaxac, nache 'enauac so shiỹaxauapi maye na'axaỹaxaatega ỹataqta huo'o da la'aalaxa da lapaxaguenataxanaxac Somaye,

Lucas 4:32

Nache na shiỹaxauapi ỹataqta huo'o da la'aalaxa da lapaxaguenataxanaxac Somaye, cha'aye da detaqa, qalaq ỹataqta huo'o da 'ene'c naua la'aqtaqa.

Salmos 119:99

Da ỹaỹaanataxanaxac napacalec 'enauac na ñapaxaguenaxala'pi, cha'aye ñapaxagueetegalo naua 'aramaxasoxonaxaco.

Juan 7:15

Nache na lataxala'pi na judiopi ỹataqta huo'o da la'aalaxa Somaye, nache nnattega't, 'eeta': –¿Chaq hua'ago' ca 'eetec damaye ye ỹataqta qalota na ỹaỹaten, qamaq saishet co'ollaxa da huo'o cam ỹapaxaguen?

Marcos 1:22

Nache 'enauac na shiỹaxauapi ỹataqta ỹa'aalac naua lapaxaguenataxanaxaco, cha'aye Somaye da detaqtac qalaq ỹataqta huo'o da la'añaxa'c naua la'aqtaqa, qaq saishet da 'eeta'am nam dapaxaguenataxaatapeguec na namaxasoxonaxacpi maye chegoqo'ot so Moisés.

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Mateo 13:54

Nache co'ollaq ivita ye maiche lalamaxat lma'. Huaña, nache dapaxaguenataxan co'ollaq huaigui aso napaxaguenaxaqui na judiopi. Nache so shiỹaxauapi ỹataqta huo'o da la'aalaxa nache, 'eeta': «¿Hua'ague ca ỹachegoxota'ague da laỹaanec dam da' ỹale? ¿Ca 'eeteco' damaye da ishet da ỹo'ot nam sa qaỹauanapega?» Qataq huo'o na 'eeta':

Mateo 22:33

Qaq co'ollaq hua'aqchigui de'era so shiỹaxauapi, nache ỹataqta huo'o da la'aalaxa naua lapaxaguenataxanaxaco So Jesús.

Marcos 6:2

Qaq co'ollaq iviteuga so na'a'q mataxaqui maye saishetapec na judiopi, nache Somaye dapaxaguenataxaatac, huaigui aso napaxaguenaxaqui na judiopi. Qaq ỹataqta qalota so shiỹaxauapi na'axaỹaxaatega, nache huo'o da la'aalaxa qataq nnattega't, 'eeta': –¿Cam ỹachegoxota'ague da laỹaanec dam da'? Qataq ¿chaq ỹachegoxota'ague dam lauattonaxanaxac? Qataq ¿ca ỹachegoxota'ague da la'añaxac da ỹo'ot nam sa qaỹauanapega?

Marcos 11:18

Nache co'ollaq hua'aqchigui de'era nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi. Nache chegoqchiguiña da nmittaique ca lataxac da yaqto' ỹalauat So Jesús souaxat da ñe'etega, cha'aye 'enauac na shiỹaxauapi ỹataqta huo'o da la'aalaxa Somaye naua lapaxaguenataxanaxaco.

Lucas 2:46

Qaq so lỹa na'a'q, nache ỹanatra So Jesús huetaigui aso no'onaxanaxaqui late'erai ỹalectaigui nam dapaxaguenataxaateguec na namaxasoxonaxacpi. Somaye na'axaỹaxaatac qataq huo'o na lnataxanaxacpi.

Lucas 2:18

Nache 'enauac nam hueta'a yi'iye co'ollaq hua'aqchigui de'era na'aqtaxanaxac, nache ỹataqta huo'o da la'aalaxa.