Lucas 2:43 - La'aqtaqa Ñim Lo'onatac 'Enauacna 2013

⁴³ Qaq co'ollaq mashe ivilde'c soua na'axa'te maye naponaxaqui', nache soua lta'al ỹe'eguelaxara ca lma', qalaxaye saishet da nomalo da So Jesús no'onaña ye Jerusalén.

Nuevo Testamento Toba Sur

⁴³ Qaq co'ollaq mashi ÿi'iguela'q soomayi co'ollaq mashi ime so naponaxac, nachi so nogotolec Jesús n'onaña yi Jerusalén. Qalaxayi aso late'e qataq so José sa ishit da qananoma somayi.

Nuevo Testamento Toba Sombrero Negro

⁴³ Ca'li yenoĝodegue jaajo' noloqo'ote, qama'le 'viyelaĝadeta ga'me 'lachaqa't; ñe'me notolec Jesús qamqa'me qapiya'ña di'me Jerusalén, qalaĝaja gaa'me let'al ja yetade'n da'me dojo'

Lucas 2:43 Referans Kwoze

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

2 Crónicas 25:17

Qalaxaye so Amasías, maye nta'a ye Judá, quegue co'ollaxa da lqataxac so laỹepi shiỹaxauapi, nache ỹamaxa da la'aqtac so Joás, maye nta'a ye Israel, som llalec so Joacaz, qataq laual so Jehú, nache 'eeta': «Ñaq 'auanac yaqto' ỹataqta ñataỹaqa'a't.»

Lucas 2:42

Qaq So Jesús co'ollaq mashe ivi' naua doce vi'iye da llaxa, nache nnaicapegueto soua lta'al da taregue da Jerusalén, cha'aye nache lataxac naxa da iviteuga se'eso na'a'q naponaxaqui.

Lucas 2:44

Qaq so José qataq aso María co'ollaq mashe 'oonolec na'a'q da quete', nache ipettrego' da So Jesús ca'attaigui so laỹepi maye qannaictague'pi de'era ñecỹaxac. Ime', nache nmittrapigui so lauo' le'ecpi qataq so nauattonaxauapi,