Lucas 2:40 - La'aqtaqa Ñim Lo'onatac 'Enauacna 2013

⁴⁰ Qaq so nogotolec Jesús nquictasheguem da lañaxataxac qataq da la'añaxac saqcha'a. Qataq Somaye ỹataqta nlaqchigui da laỹaanataxanaxac, qaq Ñim Lo'onatac 'Enauacna ỹataqta lta'araic da ntootapeguec Somaye.

Nuevo Testamento Toba Sur

⁴⁰ Huaña, nachi so nogotolec nquictashiguem da llaxa qataq da l'añaxac qataq da lauattonaxanaxac, qaq ñi Dios ÿataqta ÿanem somayi da lqouagaxanaqtaic.

Nuevo Testamento Toba Sombrero Negro

⁴⁰ Qama'le ñe'me notolec natajeguem joca'li, nataq'aen ue'tajop da'me 'lañaĝac, najaqachigui da'me layatenaĝanaĝac, nataq'aen da'me lichoĝodenataĝanaĝac ñe'me Dios ue'tajop joñe'me.

Lucas 2:40 Referans Kwoze

Lucas 2:52

Nache So Jesús nquictasheguem da laỹaanec qataq ye locta. Qaq Ñim Lo'onatac 'Enauacna qataq 'enauac na shiỹaxauapi ỹataqta ntootapeguec Somaye, qataq ỹataqta lta'araic da nauoche.

Lucas 1:80

Nache so nogotolec Juan nquictasheguem da llaxa qataq lta'araic da la'añaxac saqcha'a maye chegoqo'ot Ñim Lo'onatac 'Enauacna. Somaye netauga so toolec 'alhua, choche ivitta'a so na'a'q co'ollaq Ñim Lo'onatac 'Enauacna ỹamaq da ỹache de'era la'aqtaxanaxac, da da'aqtaxanem na Israel le'ecpi.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.

1 Samuel 3:19

Qaq so Samuel, nache nquictasheguem da llaxa, qaq Ñim Nataxala' nache hueta'aguet somaye, qataq ipacchigui naqa'en 'enauac nam la'aqtacpi maye ỹanem co'ollaxa somaye.

Lucas 2:47

Nache 'enauac nam na'axaỹaxaatega So Jesús ỹataqta huo'o da la'aalaxa souaxat na laỹaanec, qataq da ỹasateguet da lnataxanaxac somayepi.

Salmos 22:9

Qalaxaye nache 'am co'ollaxa da 'auo'ot da ỹañoxoc, aỹem 'auachegoxottoigui na lauel aso ỹate'e, nache sootaleguete 'anqa'en naua lhuaxaye asomaye.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

Jueces 13:24

Qaq co'ollaq ivita da ñiguiñi so llalec asa'aso 'alo, nache ỹanagui da le'enaxat Sansón. Nache so nogotolec nquictasheguem da lañaxataxac, qaq Ñim Nataxala' ỹanem da lchoxonnataxanaxa somaye.

2 Timoteo 2:1

'Am ỹalec Timoteo, Ñim Lo'onatac 'Enauacna ỹataqta lta'araic da lauoche 'am, cha'aye 'aua'amaqten So Jesucristo. Qaq no'on da 'auỹaxanot Ñimaye da 'am ỹami' ca 'ara'añaxac da yaqto' 'anala'aguet 'enauac na chochena.

Efesios 6:10

Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

Hechos 4:33

Qaq soua namaxa'she ỹataqta nlaqchiguilo da lta'araic na'añaxac, qataq dapaxaguenataxaategue'c da So Jesús mashe qaltaq nca'alec. Qaq Ñim Lo'onatac 'Enauacna ỹataqta ỹauo'o da nqouagaxa 'enauac so qalota shiỹaxauapi.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.