Lucas 2:37 - La'aqtaqa Ñim Lo'onatac 'Enauacna 2013

³⁷ qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

Nuevo Testamento Toba Sur

³⁷ Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

Nuevo Testamento Toba Sombrero Negro

³⁷ qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.

Lucas 2:37 Referans Kwoze

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

Hechos 14:23

Qataq 'enauac nam hueta'a na 'amqaanataxanaxaicpi, so Pablo qataq so Bernabé, ỹauo'o na lataxala'pi, yaqto' itauaatac namayepi. Qaq da ime da nqouagaxaunaxa'c qataq da nqouaqchetaxa'c, nache ỹashel-lec somayepi, nache iỹaxaatracot Ñim Lo'onatac 'Enauacna da itaua'n, cha'aye somayepi ỹa'amaqten So Jesús.

Salmos 23:6

Da 'arauotaxanaqtaic qataq da 'arsoxoyec qalaq aỹem sa iỹotec, 'enauaque naua na'axa'te da ñachaalataxac, qaq ñi 'arma', 'Am Nataxala', qalaq nache 'eetai' qome da soota'a.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Hechos 13:3

Qaq co'ollaq ime da qouagaxaunaxac qataq da qouaqchetaxac, nache qanatameetapegueleguete soomaye, qaỹasheltaleguete. Ime, nache qaỹama'q.

Hechos 26:7

Nataqa'en nam llalaqpi soua sachegoxosoxogueta doce llalqa so Israel, namayepi nataqa'en iuattaique qom ivita da ipacchigui de'era qaỹachaxanapec co'ollaxa. Qaq ỹoqo'oye namayepi ỹo'oxoreetac Ñim Lo'onatac 'Enauacna 'enauaque naua na'axa'te qataq naua pe'. Qaq nachera de'era ñaquitaxac, 'am ita'a Agripa, da huo'omshe na judiopi aỹem npa'agueetega.

Salmos 22:2

'Am Ñatamnaxala', ye na'a'q 'am seỹaxaatega qalaq aỹem sa 'auasateguet qataq ye pe, qaica ca ñemataxac da 'am seỹaxaatega.

Apocalipsis 7:15

Qaq ỹoqo'oye nagui namayepi datataua'a añi nso'onaxaqui Ñim Lo'onatac 'Enauacna, qataq ima'ape naua na'axa'te qataq naua pesa'ache, da do'onataxaatacot Ñimaye da huetaua'a añi lo'onaxanaxaqui. Qaq Ñim Lo'onatac 'Enauacna hueta'aguet namayepi, qataq npaxattalec.

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Lucas 5:33

Nache huo'oi soua 'enapegalo So Jesús, 'eetra': –Na lapaxaguenatacpi so Juan maye nachelaxanataxanaq qataq nam quetague' na fariseopi ỹataqta ỹaguec da nqouagaxaunaxac qataq nqouaqchetaxac. Qaq naua 'arapaxaguenataqa qalaq nda'a't da lquia'axac qataq da nỹomaxac.

Salmos 84:10

Cha'aye ỹactec da no'on da choche 'oonolec na'a'q da soota'a ye 'anqasoxoc, qaq saq 'ena'ama caua mil na'axa'te da sootauga na pa'auec yemaye. Ỹoqo'oye sepactague' da selotague' ñi lasom ñi lma' Ñim Ñatamnaxala', cha'aye saq 'ena'am da soota'a ca hueta'a na qauemaicpi.

Salmos 84:4

Qaq ỹataqta machiguiñi qome na hueta'a añi atamnaxaqui maye 'aralamaqte, nam queto'ot da 'am ỹo'oxoreetac.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Éxodo 38:8

Nache so Besalel ỹo'ot so nỹoxonaxaqui, qataq so lmala' somaye ỹachegoxotaigui so bronce maye ntannaxai so 'alpi maye lo'onataxanaqa' so ñegueuo so npe'l.

Salmos 92:13

Qataq ñaxattalec ye lma' Ñim Nataxala', qataq dasovi da netaña ye nqasoxoc Ñim Qanatamnaxala'.