Lucas 2:36 - La'aqtaqa Ñim Lo'onatac 'Enauacna 2013

³⁶ Qaq aso no'onaxanaxaqui late'erai hueta'a nataqa'en aso 'alo ỹa'axaino'ole, asomaye la'aqtaxanaxana Ñim Lo'onatac 'Enauacna le'enaxat Ana. Asomaye llale so Peniel maye chegoxoguet so Aser. Co'ollaq ña qa'añole aso Ana, nache huaron, qaq ivi' siete vi'iye da neta'aguet so lhua,

Nuevo Testamento Toba Sur

³⁶ Qaq nataq'en hueta'a yimayi aso 'alo mayi l'aqtaxanaxana ñi Dios. Asomayi ÿataqta ÿi'axaina', l'enaxat Ana. Asomayi llale so l'enaxat Penuel som chigoxoigui so llalaqpi so Aser. Qaq asomayi huadon co'ollaq ñaq qa'añolom, qaq ivi' naua siete vi'iyi da neta'aguet so lhua.

Nuevo Testamento Toba Sombrero Negro

³⁶ Nach'e ena'am ue'tedi jañe'me yauo jo'ne Dios 'laqataĝanaĝana 'me lenaĝat Ana, mach'e c'oqote di'me Penuel, nataq'aen chiyoĝogueta ga'me lolelaĝaiquipi di'me Aser. Nach'añe joote 'yaĝaina' joca'li: uo'on ca'li yataqachiñe q'añole, qalaĝaja ch'e siete ga'me 'uoidi da'me ue'tajop di'me loua,

Lucas 2:36 Referans Kwoze

Hechos 21:9

Qaq se'eso Felipe huo'oi soua cuatro llalel. Soomaye saxanaxa da huaro'n, qaq soomaye la'aqtaxanaxanal Ñim Lo'onatac 'Enauacna.

Éxodo 15:20

Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

1 Corintios 12:1

Qami' ỹaqaỹañicpi, ñeshetaique da qauaỹaañita da lataxac na lachetaqtaxanaxatpi So Saqcha'a Na'añaxac Qui'itta maye ỹanem ñi 'oonolec na shiỹaxauapi.

Hechos 2:18

Que'ecaua na'axa'te, nache Aỹem ñanacot qome Ñim Saqcha'a Ỹa'añaxac, nache sanem na ilatacpi qataq ana ilatapi. Huaña qome, nache ỹa'axa't naua ỹa'aqtaqa.

Salmos 92:14

Qaq na'aictaxa da mashe togoshaapec qalaq huo'o da alaỹaxac, qataq nache 'eetai' da la'añaxac qataq daralata.

Da na'aqtaguec so Job 5:26

Ỹataqta 'avitta'a da 'am ỹa'axaiquiolec, nache 'avira aca 'anhuachiqui, qataq qoneta'am aca naqta ala ca 'auaxa maye ỹataqta ỹeta.

2 Reyes 22:14

Nache so Hilcías, qataq so Ajicán, Acbor, Safán, qataq so Asaías, nqo'oora co'ollaxa aso na'aqtaxanaxana Julda, asom lhua so Salún, maye llalec so Ticvá, som laual so Jarjás, maye ilotague' aso laỹe' so nogoxotpi asa'aso atamnaxaqui. Qaq aso Julda, netaña co'ollaxa so dalaxaic nỹecpi, maye naigui so huaqta'a't nỹecpi ye Jerusalén, nache na'aqtaxaatrague' co'ollaxa,

Jueces 4:4

Qaq se'eso na'a'q so Israel le'ecpi huetoigui co'ollaxa da lataxalate aso na'aqtaxanaxana le'enaxat Débora, asom lhua so Lapidot.

Génesis 30:13

Qaq huaña nache aso Lea qaltaq, 'enapeco': «¡Ỹataqta huo'o da ỹamaicỹaxac! Qaq nagui na 'alpi aỹem ỹamata'ac qome da, aỹem machiguiñi. Qaq ỹoqo'oye ne'ena nogotolec le'enaxat qome da Aser.»

Josué 19:24

Qaq so lỹa 'alhua maye qanallichigui co'ollaxa nache taalec so llalaqpi so maiche nhuo' le'ecpi maye chegoxoguetpi so Aser,

1 Samuel 1:2

Qaq so Elcana huo'oi soua dos lhua't. Aso 'oonole le'enaxat Ana, qaq aso lỹa Peniná. Aso Peniná huo'o so llalaqpi, qaq aso Ana qalaq qaica ca llalec.

Ezequiel 13:17

Qaq nagui 'am shiỹaxaua, 'auataỹa'aguet qome na 'alpi nam 'aralamaxat nhuo' le'ecpi, maye maiche lhuennataxaco naua ỹa'axatta'ape,

Lucas 2:35

Huaña, nache ishet da qaỹaỹaten ca ỹoqta lhuennataxac ñi 'oonolec. Qaq 'am María, de'era qome ỹataqta ỹo'ot da 'anque'eenaxac, 'ena'am da ỹa'attagui qome añi 'arquiyaqte ca ỹeelonec.

Lucas 2:38

Qaq co'ollaq ime da la'aqtaxanaxac so Simeón, nache aso Ana nquigueuo, nache chegoqchiguiña da ỹo'oxoreetac Ñim Lo'onatac 'Enauacna, qataq ỹa'axattac se'eso nogotolec Jesús, da'aqtaxaatapeguem 'enauac nam iuattaique da Ñim Lo'onatac 'Enauacna huesochiguiñi naqa'en na hueta'a ye nỹecpi le'enaxat Jerusalén.

1 Corintios 11:5

Qalaxaye aca 'alo da nqouagaxaueetacot Ñim Lo'onatac 'Enauacna huo'otaq da ỹa'axatta'ape naua la'aqtaqa Ñimaye da saishet da ỹapolec na lqaic, nache acamaye qaica naqa'en ca 'enec ca lhua. Qaq acamaye 'eeta'am da ỹataqta imauec da npetec na laue.

1 Timoteo 3:2

Qalaxaye ca lataxala' na 'amqaanataxanaxaicpi saishet da huo'otaq sa ỹaỹamaxañi da na'aqtaguec. Nachaqrata da 'oonole naqa'en aca lhua, qataq ỹataqta ilotegue da llecỹaxac, daỹaanataxan, huo'o naq 'enec qanqa'en. Qataq ỹataqta ỹaỹaten da ilo'oguet ca lỹa. Qataq ỹaỹaten da dapaxaguenataxan.

1 Timoteo 5:9

Qaq aca lmalate na le'enaxat ana pa'ai, acamaye qandoqteetelec ana mashe ivi' naua sesenta vi'iye da llaxa, qataq 'oonolec naqa'en ca chegoxoguet lhua.