Lucas 2:32 - La'aqtaqa Ñim Lo'onatac 'Enauacna 2013

³² Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Nuevo Testamento Toba Sur

³² Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

Nuevo Testamento Toba Sombrero Negro

³² Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Lucas 2:32 Referans Kwoze

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Hechos 26:23

Qaq dam na'aqtaxanaxac qoỹenac ye cam Lca'aguishec Ñim Lo'onatac 'Enauacna, camaye qome ỹataqta huo'o da nque'eenaxac. Qaq da ime, nache qaỹalauat, qaq nacheca qome ca la'auaxanec da qanca'alaxateeguesop na leuaxaicpi. Ime, nache camaye ỹa'axatem da nca'alaxa nam qarhuo' le'ecpi qataq nam saishet da judiopi, qaq damaye 'eeta'am na yo'oqchiguiñi.

Isaías 9:2

Nam shiỹaxauapi maye huetaigui co'ollaxa na napalaxa, ila'a so lta'araic ne'eraxa, qaq se'eso ne'eraxa, icoỹarelec co'ollaxa nam huetaigui na napalaxa.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Hechos 28:28

Qaq da pa'atec la'aqtac so Pablo 'eeta': ¡Ỹataqta 'eesa da Ñim Lo'onatac 'Enauacna da huotaique da nca'alaxatec nam saishet da judiopi! ¡Cha'aye namayepi ỹataqta na'axaỹaxan!»

Mateo 4:16

Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Zacarías 2:5

Cha'aye Ñim Nataxala' 'eeta', da la'aqtac: Aỹem sheeta'am qome ca norec da ñepaxattaua'a ye huaqta'a't nỹecpi ye Jerusalén, qataq sachaxan da ỹo'oxoyec da huangui na laiñi yi'iye huaqta'a't nỹecpi.›»

Isaías 60:19

Qaq huaña nache saishet da 'auen da añi nala' 'am icoỹattalec ye na'a'q, qataq ñi ca'agoxoic da 'am icoỹattalec ye pe, cha'aye Aỹem Nataxala', nachaỹem qome maye chochaq tatec 'arcoỹaraxanaxat, Aỹem maye 'Anatamnaxala', nachaỹem qome 'am secoỹattalec.

Isaías 45:25

Qaq chegoqchigui Aỹem da 'enauac na nhuo' Israel le'ecpi, da dauegaxan qome, nache huo'o qome da na'amqaanaxac souaxat Aỹem.›»

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Salmos 85:9

Cha'aye Ñimaye ỹataqta saqaỹapeque da nca'alaxatec na huo'o naq 'enec naqa'en Ñimaye, yaqto' da llo'oxoyec nache 'eetai' da hueta'a ne'ena qana'alhua.

1 Corintios 1:31

Qaq ỹoqo'oye ana la'aqtac lmalate Ñim Lo'onatac 'Enauacna 'eeta' «ca huotaique da na'amaqten qalaq iuen da na'amaqteeto'ot So Jesucristo maye Qarataxala'.»

Lucas 2:10

qalaxaye so lamaxashec Ñim Lo'onatac 'Enauacna 'enapeco': «Saishet da qayi'i, cha'aye aỹem qami' ñera'alo da no'on qara'axaỹaxaqui. Qaq damaye ỹo'ot qome da lta'araic da qantonaxaqui:

Jeremías 2:11

da ca ỹotta'a't shiỹaxauapi maye ỹaqa'a da la'amqaanataxanaxac, da naralaxat co'ollaxa nam natamnaxala'pi. ¡Qaq na'aictaxa da saq'en atamnaxala'pi! Qalaxaye nam ỹalamaxat nhuo' le'ecpi Aỹem ca'ai, aỹem maye Aỹem llo'oxoyec co'ollaxa namayepi, nache Aỹem nmeneguet naqa'en nam atamnaxala'pi maye qaica ca naigui.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Isaías 49:9

qataq da yaqto' qonapega na ncoñeteguishecpi: ‹Qapa'aiuec›, qataq na huetaigui na napalaxa: ‹Qanachaxañi qome› qaq 'enauaque naua loiguiye na nqa'aicpi qalaq qauanachiỹa qome na 'auaqpi qataq camachaqaca anam qasoxonaxapi maye toolec, qalaq huo'o qome na aloq na qareloipi.

Isaías 51:4

Ña Aỹem qana'axaỹaxañiỹa qami' ỹalamaxat nhuo' le'ecpi, qataq qami' ỹotta'a't shiỹaxauapi, ñaq Aỹem qana'axaỹaxañiỹa Aỹem sa'axatec qome da ỹapaxaguenataxanaxac qaq naua ỹamaxasoxonaxaco qalaq icoỹarelec qome na shiỹaxauapi.

Lucas 2:31

nam 'anamaq da yaqto' 'enauac nam shiỹaxauapi ila'a.