Lucas 2:26 - La'aqtaqa Ñim Lo'onatac 'Enauacna 2013

²⁶ Qataq 'enapec co'ollaxa da saishet da imeuo da nachaalataxac qom saxanaxa da ilogui ca Lca'aguishec Ñim Lo'onatac 'Enauacna maye ỹachaxanapec co'ollaxa.

Nuevo Testamento Toba Sur

²⁶ qataq da'aqtaxanem da sa ishit da imeuo da nachaalataxac qome huo'otaq saxanaxa da ilogui ca nta'a mayi qadca'alaxaqui cam namaq ñi qadataxala'.

Nuevo Testamento Toba Sombrero Negro

²⁶ qama'le yayatenaĝanaĝanec queda'me cha'li ja yeleu da'me maliaĝa ja yauana ñe'me Liquiyac ñe'me Jaliaĝanec.

Lucas 2:26 Referans Kwoze

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Hebreos 11:5

So Henoc nataqa'en huo'o da lpi'iỹaxac Ñim Lo'onatac 'Enauacna, ỹoqo'oye saishet da ivita da ileu cha'aye Ñimaye ỹauec somaye, ca'ai naqa'en ana 'alhua, nache saishet da qaltaq qanauane'. Qaq ana nere maye huetalec na la'aqtacpi Ñim Lo'onatac 'Enauacna 'eeta': co'ollaq saxanaxa da qaỹauec so Henoc, qalaq somaye ỹataqta laxaraic. Qaq 'era dam ỹataqta ỹaỹamaxareeta Ñim Lo'onatac 'Enauacna.

Lucas 9:27

Ỹataqta 'eesa de'era qami' sa'axatema, da huo'o nagui na ỹalectauo da saxanaxa qome da ileu, qom huo'otaq saxanaxa da ilogui da 'eetec qom ilo'ogue 'enauacna Ñim Lo'onatac 'Enauacna.»

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 2:36

Ỹoqo'oye qami', Israel le'ecpi, iuen da ỹataqta qauaỹaañita de'era, da So Jesús maye qami' qauaxañiiuo co'ollaxa, nacheso so ỹanagui Ñim Lo'onatac 'Enauacna da Qarataxala' qataq Lca'aguishec Ñimaye.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Hechos 17:3

nache do'ogoxona anamaye da ỹa'axattac da ca Lca'aguishec Ñim Lo'onatac 'Enauacna, iuen da ileu qataq nca'alec. Nache 'enapeco': –So Jesús maye qami' sa'axattapeguema, Somaye nacheso som Lca'aguishec Ñim Lo'onatac 'Enauacna.

Hechos 9:20

Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Juan 4:29

–Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Mateo 2:12

Qaq co'ollaq ime', nache Ñim Lo'onatac 'Enauacna, ỹauo'o so lqataxac ỹachaigui da lo'ochaxa soua ỹaanaxanaxaiqa da 'eetegalo da saishet da ỹe'eguelaqtreuga ye netaña so nta'a Herodes. Nache soomaye tatreuga ca lỹa nqa'aic co'ollaq ỹe'eguelaxaregue ca lma't.

Lucas 2:29

«Nagui, 'am maye 'Aro'onatac 'Enauacna ishet da aỹem 'aỹa'anem da saqca ca da ca loga't da ñachaalataxac. ¡Cha'aye mashe ipacchigui dam 'auachaxanapec!