Lucas 2:20 - La'aqtaqa Ñim Lo'onatac 'Enauacna 2013

²⁰ Qaq so qagueta lo'opi co'ollaq ime, nache ỹe'eguelaxauga aso qaguetapi da ilo'ogue. Qaq co'ollaq quetrague' so nqa'aic, nache ỹataqta ỹo'oxoreetrac Ñim Lo'onatac 'Enauacna, qataq ỹaatacot da na'achec souaxat dam ỹauaachigui qataq dam hua'aqchigui. Ỹataqta 'enauac da ipacchigui nam ỹa'axattac som namaxashec co'ollaxa.

Nuevo Testamento Toba Sur

²⁰ Qaq so qagueta l'opi co'ollaq ime, nachi ÿi'iguelaq, ÿataqta ntootapigui', qataq ÿi'oxodeetac ñi Dios, souaxat 'enauac nam hua'aqchigui qataq nam ÿauaachigui, cha'ayi ÿataqta ipacchigui 'enauac nam qai'axat.

Nuevo Testamento Toba Sombrero Negro

²⁰ Qama'le jogaa'me 'naĝanaĝate neuatoqo't 'viyela', made'tapolqa nataq'aen 'nonaĝachidegue joñe'me Dios qa'a jouaĝat ga'me yauata nataq'aen ga'me domachita, qa'a yema yepaquichigui ga'me jo'ne qo'yaĝatema ca'li.

Lucas 2:20 Referans Kwoze

Isaías 29:19

Qataq nam qaica ca la'amaqchec ỹe'eguelaxa qome da huo'o da lamaicỹaxac souaxat Ñim Nataxala', qataq nam ỹataqta choxoraqpi huo'o qome da ntonaxac souaxat Ñim Qui'itta Natamnaxala' na Israel le'ecpi.

Salmos 106:48

Ỹataqta 'am qaỹo'oxoren qome, 'Am Nataxala', maye 'Am Natamnaxala' na Israel le'ecpi, 'am maye nache 'eetai', qataq chochaq tatec qome da 'am qaỹo'oxoreetac, qaq 'enauac qome na ỹotta'a't nhuo' le'ecpi, 'eeta': «¡Aja', nache 'eetec!» ¡Qaỹo'oxoren qome Ñim Nataxala'!

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Lucas 18:43

Huaña, nache se'eso qanamaic ishet da nauaañi, nache ca'ategue So Jesús, ỹo'oxoreetac Ñim Lo'onatac 'Enauacna. Qataq 'enauac so shiỹaxauapi maye ỹauaachigui de'era, nataqa'en somayepi ỹo'oxoreetac Ñimaye.

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Salmos 107:21

Qaq ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq da llo'oxoyec da lqouagaxanaqtaic maye ỹo'otec na shiỹaxauapi.

Salmos 107:15

Ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq da llo'oxoyec da lqouagaxanaqtaic maye ỹo'otec na shiỹaxauapi.

Salmos 107:8

Ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq souaxat da llo'oxoyec maye ỹo'otec na shiỹaxauapi.