Lucas 2:15 - La'aqtaqa Ñim Lo'onatac 'Enauacna 2013

¹⁵ Nache so lamaxashecpi Ñim Lo'onatac 'Enauacna co'ollaq mashe ỹe'eguelaxague da piguem, nache som qagueta lo'opi detaqtega't, 'eeta': «¡'Onaxaic da qolaq qome, ñeqalgoxosoqtaua'a ye Belén da semeenaxanaxaua'a chaq 'eetec dam da' maye qomi' da'aqtaxaateguema Ñim Lo'onatac 'Enauacna!»

Nuevo Testamento Toba Sur

¹⁵ Nachi so lamaxashicpi ñi Dios co'ollaq mashi ÿi'iguelaxague da piguem, nachi som qagueta l'opi detaqtega't, 'eeta': –'Onaxaic da saxague da Belén da semejnaxanaxague chaq 'eetec dam da' qai'axattac dam qomi' i'axatema ñi qadataxala'.

Nuevo Testamento Toba Sombrero Negro

¹⁵ Mane'e ca'li 'viyelaĝadijeguem gaa'me piyem laje', qama'le gaa'me 'naĝanaĝate neuatoqo'tpi paja'a onolqa'tape enapega't: —¡Qolaq jo'! Jec'otaĝa di'me Belén qaedi jauanaĝa dojo' jo'ne 'uo, jo'ne qo'mi 'yaĝatema ñe'me Jaliaĝanec.

Lucas 2:15 Referans Kwoze

Salmos 111:2

Ỹataqta lta'araic na ỹo'otpi Ñim Nataxala', qaq cam ỹauotec namayepi nache napaxaguena.

Lucas 24:51

Qaq nache saqaỹaloq da So Jesús qaỹaueegue da piguem

2 Reyes 2:11

Qaq co'ollaq ñaq quete', qataq na'aqtaxaatega't soomaye, nache nque'elaxatta da anac aso naigona 'ettaigui, qataq soua lauegaxala'ate caaỹo maye nataqa'en 'ettaiguilo, nache icolaxachiguilo soomaye, nache so Elías jec, taigue da piguem, queuoigui aso daua'ache.

2 Reyes 2:1

Qaq co'ollaq mashe nayeeta'a so laloqo' da Ñim Nataxala', ỹaueegue da piguem so Elías, da queuoigui naqa'en aso daua'ache, nache so Elías, nnaictague' co'ollaxa so Eliseo da je'c, chegoqchiyiña ye Gilgal.

Éxodo 3:3

Nache deuennataxaatac, 'eeta': «¡Ỹataqta qaica ca 'eeta'am dattaxa! Ña semeenaxano' chaq ta'ainec ye saishet da ỹavic ara'ara qo'oipaqole.»

Mateo 12:42

Aso nate'e maye neta'ague da taguiñi nataqa'en nachaañi qome da detaqa da qami' dataỹa'agueta. Cha'aye asomaye chegoqta'a co'ollaxa yem ỹataqta qaỹoqta 'alhua da na'axaỹaxana dam laỹaanec so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹa da ỹapaxaguenataxanaxac, na'aictaxa da ñapacalec da la'amaqchec so Salomón.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Lucas 2:16

Nache so qagueta lo'opi ỹataqta iỹalapigui' da jec da nqo'oneua'a ye nỹecpi ye Belén, nache ỹanatra aso María qataq so José, nataqa'en so nogotolec huetangui aso lquia'axaqui na shiguiỹacpi maye nlo.