Lucas 2:14 - La'aqtaqa Ñim Lo'onatac 'Enauacna 2013

¹⁴ «¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Nuevo Testamento Toba Sur

¹⁴ ¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Nuevo Testamento Toba Sombrero Negro

¹⁴ “¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Lucas 2:14 Referans Kwoze

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.

Lucas 19:38

Nache 'eeta': –¡Ỹataqta ỹo'oxoraq da llecỹaxac na Qarta'a, maye nactaigui da le'enaxat Ñim Lo'onatac 'Enauacna! ¡Huo'o qome da nlagaxayec na piguem! ¡Qataq 'enauac da qaỹauatton da la'añaxac Ñim Lo'onatac 'Enauacna!

Colosenses 1:20

Qataq nataqa'en ỹachegoxotchigui So Cristo da 'enauac nam huetalec ana 'alhua huo'o da l-lagaxayec. Qaq ỹo'ot de'era nlagaxayec, ỹachegoxotchigui naqa'en da l-leuaxa Somaye co'ollaq qaiuaxaneguet so npe'enaxaqui.

Lucas 1:79

Camaye nca'alaxatec nam huotaique da lo'oxonec da nleuaxa. 'Eeta'am aca ncoỹaraxanaxaqui da icoỹarelec ca napalaxa, yaqto' qomi' ỹachaxaneguelo ca nqa'aic maye hueta'ague da nlagaxayec.»

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

Filipenses 2:11

qataq yaqto' 'enauac qaỹauattoota So Jesucristo da nacheso so Nataxala', qataq nache llo'oxoyec Ñim Qarta'a maye Lo'onatac 'Enauacna.

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Isaías 49:13

¡'Am piguem, ña 'aua'alaq qome souaxat da 'aramaicỹaxac! ¡'Am 'alhua ña 'am nlaxagui qome da 'antonaxac! ¡Qami' qasoxonaxapi qa'aua'alqaitai' qome souaxat da qauamaichiguiñi! Cha'aye Ñim Nataxala' ỹa'añaqchet nam lalamaxat nhuo' le'ecpi, qataq huo'o da lchoxonnataxanaxa souaxat da lta'araic lhuogoxo.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Efesios 2:4

Qalaxaye Ñim Lo'onatac 'Enauacna ỹataqta lta'araic da lchoxonnataxanaxa qataq da lauoche da shenaqta.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Miqueas 5:5

Qaq camaye ndoi' qome ca qarlagaxayec. Qaq qom anac nam asiiriopi da huenoxotaua'a nam qana'alhua, qataq nam qarma' lta'araicpi, nache qomi' samaxaso'q caua siete nataxala'ate, qataq caua ocho 'amaqtaqaiqa nataxala'ate,

Lucas 2:13

Huaña, nache nque'elaxatta da nachaxan so qalota namaxashecpi piguem le'ecpi, somayepi do'onaxaatac ỹo'oxoreetac Ñim Lo'onatac 'Enauacna, 'eeta':

Lucas 2:15

Nache so lamaxashecpi Ñim Lo'onatac 'Enauacna co'ollaq mashe ỹe'eguelaxague da piguem, nache som qagueta lo'opi detaqtega't, 'eeta': «¡'Onaxaic da qolaq qome, ñeqalgoxosoqtaua'a ye Belén da semeenaxanaxaua'a chaq 'eetec dam da' maye qomi' da'aqtaxaateguema Ñim Lo'onatac 'Enauacna!»