Lucas 2:10 - La'aqtaqa Ñim Lo'onatac 'Enauacna 2013

¹⁰ qalaxaye so lamaxashec Ñim Lo'onatac 'Enauacna 'enapeco': «Saishet da qayi'i, cha'aye aỹem qami' ñera'alo da no'on qara'axaỹaxaqui. Qaq damaye ỹo'ot qome da lta'araic da qantonaxaqui:

Nuevo Testamento Toba Sur

¹⁰ Qalaxayi so lamaxashic ñi Dios 'enapeco': –Sa ishit qome da qayi'ii, cha'ayi aÿim qami' ñida'alo da no'on qad'axaÿaxaqui. Qaq damayi i'ot qome da ntonaxac 'enauac na shiÿaxauapi.

Nuevo Testamento Toba Sombrero Negro

¹⁰ Qalaĝaja ñe'me piyem le'ec enaac: —Ena'te at'oiyi, qa'a ami ja'aĝatema da'me onaĝaic Dios 'laqataĝanaĝac, jo'ne nach'eda ena'uaque gaa'me jiyaĝadipi chiyaqayi da'me made'tapolqa.

Lucas 2:10 Referans Kwoze

Isaías 40:9

'Am Sión maye 'auachetac da no'on na'axaỹaxac 'aunotsheguemec qome añi ỹataqta qaỹoqotcheguemec qasoxonaxa, nache ỹataqta 'anlamaxaren qome da 'aua'axat dam no'on na'axaỹaxac. 'Am Jerusalén, saishet da 'añe'etac da 'ana'axannec da 'arvilỹaxac da 'aua'aqtaxanem ye huaqta'a't nỹecpi maye ỹotta'a't naua nañalo ye Judá, qoneta': ¡'Ena nam Qanatamnaxala'ai!

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Isaías 52:7

¡Maye sa no'onolec da qailota'aguet da nactalec ana qasoxonaxapi cam nachetac da no'on na'axaỹaxac cam ỹa'axatec da nlagaxayec, qataq ỹa'axata'a da qaisouec na shiỹaxauapi qataq 'enapega na Sión, 'eeta': «Ñim 'Anatamnaxala' nacheñi Nta'a!»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Mateo 14:27

Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Isaías 41:27

Aỹem maye sa'auchiguiñi co'ollaxa da sa'axatem ye Sión de'era, qataq samaxa ye Jerusalén so ỹa'aqtaxanaxanec, da yaqto' ỹa'axatem da sa qaỹaloq da ñe'eguelaq so lauo' le'ecpi.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Hechos 13:32

Ñim Lo'onatac 'Enauacna ỹachaxanapeguem co'ollaxa som hua'au qarta'alpi da namaq ca Qarca'alaxaqui. Qaq qomi', nache sa'axataqtac nagui de'era no'on na'axaỹaxac.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Lucas 8:1

Qaq co'ollaq mashe qaỹoqtegue de'era, nache So Jesús quetagui na saq 'amaqtaq nỹecpiolec qataq nam naña nam lta'araic nỹecpi da da'aqtaxaatapeguem na shiỹaxauapi da no'on na'axaỹaxac da lo'onataxanaxac Ñim Lo'onatac 'Enauacna. Qaq Somaye nnaictagueto soua doce lapaxaguenataqa,

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Lucas 1:13

Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Marcos 1:15

«¡Mashe ivita ye laloqo' da lo'onataxanaxac Ñim Lo'onatac 'Enauacna! Qaq ỹoqo'oye qavi'eguelaqaỹot qome Ñimaye qataq qaua'amaqchiñi da no'on na'axaỹaxac.»

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Romanos 10:15

Qataq ¿ca 'eetec da huo'otaq huo'o ca da'aqtaxan, da huo'otaq saishet da namaxashec? Cha'aye dam 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «¡Ỹataqta saq no'onolec da lviraxac nam ndotai' da na'aqtaxanaxac maye ỹo'ot da nlagaxayec, qataq ỹa'axattac da no'on na'axaỹaxac!»

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Isaías 52:10

Ñim Nataxala' ỹachaxan da la'añaxac ỹauaachigui naqa'en 'enauac na ỹotta'a't shiỹaxauapi. Qaq 'enauac nam netalec ana 'alhua, ỹaỹaten qome da Ñim Qanatamnaxala' qomi' nca'alaxatrec.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!