Lucas 19:9 - La'aqtaqa Ñim Lo'onatac 'Enauacna 2013

⁹ Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Nuevo Testamento Toba Sur

⁹ Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.

Nuevo Testamento Toba Sombrero Negro

⁹ Jesús 'yateguet joñe'me: —Nayi jenjo' nolo' novita da'me Dios lec'alaqataĝanaĝac jenjo' at'achaqa', qa'a nach'e ena'am am c'oĝot di'me Abraham.

Lucas 19:9 Referans Kwoze

Gálatas 3:7

Qaq ỹoqo'oye qami' ishet da qauaỹaañita da na ỹataqta 'eesa da llalaqpi so Abraham, nachena na huo'o da lpi'iỹaxac Ñim Lo'onatac 'Enauacna.

Lucas 13:16

Qaq ara'ara 'alo ye maiche llale so Abraham, qaq so pa'aguenataxanaxaic ye icoñetta'aguet aramaye de'era nalolaxa, nagui mashe ivi' naua dieciocho vi'iye, qaq ¿peta'a saisheto' da qaisoueeguesop de'era lalolaxa aramaye ne'ena na'a'q mataxaqui?

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Lucas 3:8

Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Lucas 2:30

Cha'aye aỹem ñema'ai' nagui da ñelota'ai' nam Nca'alaxaqui,

Lucas 13:30

Huaña qome, nache huo'o nam nagui nca'ataxaatauo, qaq nachena qome na la'auaxanec, qataq huo'o qome nam nagui la'auaxanec, qaq nachena nam qaipa'axaatec.

Lucas 16:24

Nache so sallaxanec iỹaxana so Abraham, 'eeta': «'Am ita'a Abraham, aỹem 'auchoxoren. 'Anamaq na Lázaro, da yaqto' ipet na llaxaata lsheenec ca 'etaxat da yaqto' ipet na ỹachaxat. Ten ỹapactec da ñeque'eenaxac da sootangui ne'ena norec.»

Lucas 16:30

Nache som ỹale sallaxanec ỹasat, 'eeta': «Aja' 'am ito'olec Abraham, ¡Qalaxaye damaye saishet da nachaqrata lataxac! Cha'aye da huo'o ca qaltaq nca'aleeguesop nam leuaxaicpi da nqo'onalo caamaye, nache ỹoqta 'eesa ñaqa'en da caamaye ishe't da ỹe'eguelaqoto Ñim Lo'onatac 'Enauacna.»