Lucas 19:7 - La'aqtaqa Ñim Lo'onatac 'Enauacna 2013

⁷ Qaq co'ollaq qaỹauaachigui de'era, nache qanayectega, qoỹeeta': «So Jesús qache ishet da taua'a ye lma' so ỹale maye 'etaxaloxoic.»

Nuevo Testamento Toba Sur

⁷ Qaq co'ollaq qaÿauaachigui de'eda, nachi qanayictega, qoÿiita': “So Jesús qachi tau'a yi lma' so qauemaic ÿale.”

Nuevo Testamento Toba Sombrero Negro

⁷ Mane'e da'me yauata da'me dojo' gaa'me jiyaĝa'u laqaya', qama'le ena'uaque e'n ja 'noe'n naa'me 'laqataqa eedapega ñe'me Jesús, enapega't: “¿Toqoch'e yec'ata di'me loeco lo'o 'lachaqa'?”

Lucas 19:7 Referans Kwoze

Lucas 15:2

Nache nam ỹalectaigui na fariseopi qataq nam dapaxaguenataxaatapeguec na namaxasoxonaxacpi quetapeguelec Somaye, 'eeta': –De'era ỹale, qache ỹaconeguet na 'etaxaloxoicpi qataq lquia'axaua namayepi.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 7:34

Ime, qataq ñevi', Aỹem Shiỹaxaua Llalec, nache seque'etac qataq ñeỹomtac qalaq qami' qoñiitega da Aỹem quia'aqchaqaic, qataq Aỹem taxaic, qataq ñauochaxaua na shiỹaxauapi maye qauem da na'aqtaguec, qataq na ỹacootapeeguet ana nsheetenaqte ca nta'a maye netaña ye Roma.

Mateo 9:11

Qaq huo'o som ỹalectaigui na fariseopi da ỹauaachigui 'enauac se'eso shiỹaxauapi, nache inattra'apo' soua lapaxaguenataqa So Jesús 'eeta': –¿Ta'ainco' ñim qami' ỹapaxagueeta'ape ye ishet da nhuana'ai' nam ỹacootapeeguet anam nsheetenaqte ca nta'a qataq nam 'etaxaloxoicpi?

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

Mateo 20:11

Qaq co'ollaq ỹaconeguet aso nsheetenaqte, nache se'eso 'onataxanaxaicpi denoỹa so na'aco'. Nache qauem na ỹasaxalec la'aqtacpi,

Lucas 19:6

Nache so Zaqueo ỹataqta sa naỹaloxon da huenotec, nache qalota da ntonaxac da ỹauegueua'a ca lma' So Jesús.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Mateo 20:4

Nache 'enapega somayepi, 'eeta': «Qami' nataqa'en qanqo'oñiuga qome ye ỹanaxanqa' da qauo'onataxañi. Aỹem ỹataqta sepagaqchiichigui qome aca lasheue ca qaro'onataxanaxaqui.» Nache somayepi jec da do'onataxan.