Lucas 19:48 - La'aqtaqa Ñim Lo'onatac 'Enauacna 2013

⁴⁸ Qalaxaye saishet da ỹanata ca 'eetec, cha'aye 'enauac nam shiỹaxauapi ỹataqta ỹe'emaqtom da na'axaỹaxaatega Somaye.

Nuevo Testamento Toba Sur

⁴⁸ Qalaxayi sa ishit da qaÿanata ca qoÿiitec, cha'ayi 'enauac nam shiÿaxauapi ÿataqta ÿi'imaqtom da n'axaÿaxaatega somayi.

Nuevo Testamento Toba Sombrero Negro

⁴⁸ Qalaĝaja ja yauata ga'me eeta ta'le yauote, qa'a yema ga'me jiyaĝadipi naquiaĝatedapega nataq'aen yemeda'a ga'me jo'ne nenaĝategue.

Lucas 19:48 Referans Kwoze

Nehemías 8:3

ime, nache itaxaỹaxan asomaye, chegoqchiguiña so nte'eta nache ivitta'a so na'a'q laiñi, huaña so naponqa' maye datatta so lasom maye qailonec da le'enaxat 'etaxat. Qaq 'enauac se'eso nhuo' le'ecpi maye ỹauaatauo, ỹataqta na'axaỹaxaachiguiñi co'ollaq qaitaxaỹaxaatac so nqataxacpi.

Hechos 16:14

Qaq huo'o aso 'oonole 'alo le'enaxat Lidia, asomaye lma' co'ollaxa ye nỹecpi le'enaxat Tiatira, asomaye imeetac ana ỹataqta no'on npoto, naueralec na ltogaxa, qataq ỹa'amaqteetac Ñim Lo'onatac 'Enauacna. Nache Ñim Qarataxala' ỹami' asomaye da ỹataqta na'axaỹaxaachigui da la'aqtaxanaxac so Pablo.

Lucas 19:47

Nache 'enauaque se'esoua na'axa'te So Jesús dapaxaguenataxaatac, huetaigui aso no'onaxanaxaqui late'erai. Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, qataq nam lataxala' na judiopi, namayepi ilotaique ca lataxac da ishet da ỹalauat So Jesús.

Lucas 20:1

Qaq huo'o so na'a'q co'ollaq So Jesús huetaigui aso no'onaxanaxaqui late'erai da ỹapaxagueetac so shiỹaxauapi, qataq ỹa'axattac da no'on na'axaỹaxac. Nache nvireuo som nqueroxonecpi maye lataxala' na judiopi qataq nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi.