Lucas 19:47 - La'aqtaqa Ñim Lo'onatac 'Enauacna 2013

⁴⁷ Nache 'enauaque se'esoua na'axa'te So Jesús dapaxaguenataxaatac, huetaigui aso no'onaxanaxaqui late'erai. Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, qataq nam lataxala' na judiopi, namayepi ilotaique ca lataxac da ishet da ỹalauat So Jesús.

Nuevo Testamento Toba Sur

⁴⁷ Nachi 'enauaque se'esoua na'axa'te so Jesús dapaxaguenataxaatac, huetaigui aso n'onaxanaxaqui late'edai. Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lta'alpi na shiÿaxauapi, namayipi ilotaique ca lataxac da ishit da ÿalauat so Jesús.

Nuevo Testamento Toba Sombrero Negro

⁴⁷ Yemeda na'me noloqo'ote Jesús dapaĝaguenataĝatac, uetaue ga'me tamenaĝaiqui; qama'le gaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi nataq'aen nach'e ena'ama gaa'me lejaliaĝanaqa ga'me noic yelotedaque chiyaqayi da'me yala't.

Lucas 19:47 Referans Kwoze

Marcos 11:18

Nache co'ollaq hua'aqchigui de'era nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi. Nache chegoqchiguiña da nmittaique ca lataxac da yaqto' ỹalauat So Jesús souaxat da ñe'etega, cha'aye 'enauac na shiỹaxauapi ỹataqta huo'o da la'aalaxa Somaye naua lapaxaguenataxanaxaco.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Juan 10:39

Huaña, nache qaltaq qanshetaique da qaỹaconeua'a da qaicoñe', qalaxaye So Jesús naneltaxan.

Juan 7:44

Qataq huo'o na huotaique da ỹaconeua'a Somaye da icoñi', qalaxaye saishet da huo'o ca nañoxot da ỹaconeua'a.

Juan 7:19

So Moisés qami' ỹanema co'ollaxa na lqataxacpi, qalaxaye ñaqaiyeta saishet da qaualaqaiguet. ¿Ta'ainco' da huotaique Aỹem qaualauache?

Marcos 14:1

Qaq mashe saxanaxalo caua dos na'axa'te da ivireuga ca laloxoqui soua naponaxaqui' maye le'enaxat Lapascua. Qataq huetoigui nataqa'en da qanallec ana nauole 'ayiiña maye qaca aca lalecte maye ỹasheeraxachigui. Nache nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ilotaique ca latenataxanaxac da ỹachegoxotchigui da ỹaconeua'a So Jesús da yaqto' ỹalauat.

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Marcos 14:49

'Enauaque naua na'axa'te da sapaxaguenataxaatac sootaigui añi no'onaxanaxaqui late'erai, qaq saishet da Aỹem qauacoñiiua'a da Aỹem qaucoñiye. Qalaxaye 'enauac de'era iuen da huo'o, da yaqto' ipacchigui 'enauac na nanettalec ana nere maye huetalec na la'aqtacpi Ñim Lo'onatac 'Enauacna.

Lucas 19:48

Qalaxaye saishet da ỹanata ca 'eetec, cha'aye 'enauac nam shiỹaxauapi ỹataqta ỹe'emaqtom da na'axaỹaxaatega Somaye.

Lucas 20:19

Nache so lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so dapaxaguenataxaatapeguec na namaxasoxonaxacpi, somayepi nshetaique da nache ỹaconeua'a se'eso na'a'q So Jesús, cha'aye ỹaỹaten da nacheso somayepi ỹalamaqchigui de'era daloqnaxaatega Somaye. Qalaxaye ñe'etega som shiỹaxauapi.