Lucas 19:46 - La'aqtaqa Ñim Lo'onatac 'Enauacna 2013

⁴⁶ Nache 'enapega, 'eeta': –Naua ñiyigui'she la'aqtaqa Ñim Lo'onatac 'Enauacna, 'eeta': «Na ima', namaye qouagaxaunaqa';» qalaxaye qami' qauo'ochec namaye da nqañoxotaqa' na cachaxaicpi.

Nuevo Testamento Toba Sur

⁴⁶ Nachi 'enapega, 'eeta': –Naua ñiyigui'shi l'aqtaqa ñi Dios 'eeta': “Na ima', namayi qouagaxaunaqa';” qalaxayi qami' qau'ochiic namayi da nqañoxotaqa' na cachaxaicpi.

Nuevo Testamento Toba Sombrero Negro

⁴⁶ enapegalo: —Da'me nedii's jo'ne Dios 'laqatac eetojo': «Jena'me 'yachaqa' qodechoqotaĝanec qomle da'me netamenaĝaiqui ga'me jiyaĝadipi.» Qalaĝaja da'me ami qamqa'me a'vichiyec da'me cachaĝaiquipi lauac.

Lucas 19:46 Referans Kwoze

Isaías 56:7

nache Aỹem sauega qome añi sa qaishetapec ñeqasoxonaxa nache so'otec da machiguiñi da hueta'a añi ỹalamaqte atamnaxaqui. Qataq saconeguet qome da ỹachalec añi ỹalamaqte nca'atoxonaxalate ana lachetaqtaxanaqtepi qaỹavigaxatta qataq ana sa imauaq da qaỹavigaxat, cha'aye ñim ima' qaỹamata'ac qome da natamnaqa' 'enauac na shiỹaxauapi.

Jeremías 7:11

¿Qaq, qaupicheetega peta'a, da ana'ana atamnaxaqui maye Aỹem qoỹanot co'ollaxa da lma' na cachaxaicpi? Aỹem sauaachigui 'enauac de'era. Qaq 'era da ỹa'aqtac Aỹem Nataxala'.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Ezequiel 43:12

Qaq 'ena na lapaqtañi nqataxacpi maye lalamaxat aso atamnaxaqui: 'enauac na 'alhua maye coleesop aso atamnaxaqui, nam huaña na pa'asheguem añi qasoxonaxa, namaye ỹataqta sa qaishetapec qome.»

Salmos 93:5

'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.

Oseas 12:7

«Na Canaán le'ecpi, qalaq do'ogoxootega ana laloqnaxanaxaqui maye saipaigui ye lcata da huo'o na naloqten, cha'aye nqopita da decachiỹot na laỹepi.

Mateo 21:13

Nache 'enapeco': «Naua ñiyigui'she la'aqtaqa Ñim Lo'onatac 'Enauacna, 'eeta': ‹Na ima', namaye da qaiỹaxana qalaq qouagaxaunaqa'›. Qalaxaye qami' qauo'ochec namaye da nqañoxotaqa' na cachaxaicpi.»

Marcos 11:17

Huaña, nache dapaxaguenataxaatac, 'eeta': «Naua nanettrañi la'aqtaqa Ñim Lo'onatac 'Enauacna, 'eeta': ‹Ne'ena ima', namaye qaỹa'axatta da qouagaxaunaqa', nqouagaxaunaqa' 'enauac na ỹotta'a't shiỹaxauapi.› Qalaxaye qami' qauo'ochec namaye da nqañoxotaqa' na cachaxaicpi.»