Lucas 19:42 - La'aqtaqa Ñim Lo'onatac 'Enauacna 2013

⁴² Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Nuevo Testamento Toba Sur

⁴² Nachi 'eeta': –¡Qami' da qauaÿajñíictaxa ne'ena na'a'q cam ndoi' da qadlagaxayiqui! Qalaxayi nagui damayi sa ishit da yi'oq, qaq sa ishit da qauloiÿa'a.

Nuevo Testamento Toba Sombrero Negro

⁴² qama'le enaac: “¡Ami Jerusalén laje'pi: ta'le jenjo' nolo' nach'e ena'am auayachiñe ga'me jo'ne yaqanatet ta'le ami yanema da'me at'emaĝaqui! Qalaĝaja nayi dojo' ja ami 'te qoyaloĝonalo, qama'le ja auañiya.

Lucas 19:42 Referans Kwoze

Deuteronómio 32:29

Namayepi taxa da huo'o ca laỹaanec, qataq dauattonaxan, nache ỹaỹaten chaq negue't ca taỹa'a.

Hebreos 3:15

Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Nagui da qami' qaua'aqaichigui ca 'enapec Ñim Lo'onatac 'Enauacna, qalaq saishet da qami' qaramchiguilo, da qoñiita'am co'ollaxa so Israel le'ecpi maye saishet da huotaique da ỹalaq.»

Isaías 48:18

'Am taxa da 'ana'axaỹaxanalo naua ỹamaxasoxonaxaco, nache da 'al-lagaxayec 'eeta'am taxa ca tala, qataq dam 'araỹamaxa nquictauec, 'eeta'am ana lapaxa aso auaxai.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

Hebreos 3:13

Nachaqrata nagui da ñaqauo'o ye qardaqa'ai, nache ñi 'oonolec ỹa'añaqchet ca lỹa da yaqto' queto'ot da naquitaxac. Yaqto' qaica ca 'eetega da 'onaxaic da qaỹauo'o ca nasouaxashet qataq qaica ca sa ỹalaxaguet Ñim Lo'onatac 'Enauacna.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Isaías 44:18

Ne'ena shiỹaxauapi qaica ca ỹaỹaten, huo'oi naua la'ai'te qalaxaye sa nauaañi, qataq napotagui da ntoonaxac, nache qaica ca lauattonaxanaxac.

Hebreos 3:7

Qaq ỹoqo'oye iuen da qaỹo'ot da la'aqtac So Saqcha'a Na'añaxac Qui'itta maye 'eeta': «Nagui da qaua'aqaichigui ca 'enapec Ñim Lo'onatac 'Enauacna,

Salmos 81:13

¡Qamaq taxa da aỹem na'axaỹaxana ne'ena ỹalamaxat nhuo' le'ecpi! ¡Qataq da quetegue taxa da ñeqa'aicỹaxac ne'ena Israel le'ecpi,

Salmos 32:6

Qaq ỹoqo'oye da qanayeuaigui da que'eenaxac, nache na 'am quetague'pi 'am iỹaxanot, qaq na'aictaxa da ỹa'auat na 'etaxat qataq npaxaasheguem, qalaxaye saishet da ivitsheguema namayepi.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Lucas 19:41

Qaq co'ollaq mashe nayeetaua'a ye Jerusalén, nache co'ollaq ilaua'a yemaye, nache So Jesús nỹeelec som shiỹaxauapi maye hueta'a yemaye.

Lucas 19:43

Qalaxaye huo'o qome ca na'a'q, qaq qami' qaviyiỹalo caua na'axa'te maye ỹataqta qauema, qom ca qanpa'aguenaxauai nauaxaỹaxaasheguem ca lpaqtaxanaxat da qami' iconnaxaasopa. Ime, qaq qami' coleesopa, ỹataqta sa ỹauo'o ca qardaqa'ai da qami' iloquiaxa'n.