Lucas 19:37 - La'aqtaqa Ñim Lo'onatac 'Enauacna 2013

³⁷ Qaq co'ollaq mashe saqaỹapeque asom saqaỹoqotcheguemec 'alhua maye nanqa' ana Olivo, co'ollaq mashe quiguingui so ca'amegue soomaye da nqo'ootra ye Jerusalén, nache huaña da 'enauac nam ỹa'amaqteetac Somaye qataq quetague' ỹa'alaqtagui, souaxat da ntonaxac. Nache ỹo'oxoreetac Ñim Lo'onatac 'Enauacna, souaxat 'enauac nam sa qaỹauanapigui maye ỹo'ot So Jesús da ỹauaachigui somayepi.

Nuevo Testamento Toba Sur

³⁷ Qaq co'ollaq mashi qanayiita'a so ca'amgue asom saqaÿoqotchiguemec 'alhua mayi nanqa' ana olivos, nachi 'enauac nam i'amaqteetac somayi qataq quetague', nachi i'alaqtagui souaxat da ntonaxac. Nachi ÿi'oxodeetac ñi Dios souaxat 'enauac nam sa qaÿauanapigui mayi i'ot da n'aalaxa mayi qaÿauaachigui da i'ot somayi.

Nuevo Testamento Toba Sombrero Negro

³⁷ Ca'li male ua'a ga'me yauaqa'a di'me Jerusalén, ga'me qotayapi'ña ga'me qajoĝonaĝa jo'ne Olivo Lichidijat, ena'uaque gaa'me jo'ne quetedapegue' male chiyoqochiñe da'me yiyaĝanaĝatedac da'me lamai'j nataq'aen 'nonaĝachidegue ñe'me Dios queda'me uo'oe gaa'me lañoqotaĝanaĝaco p'ajodaye jo'ne qoyauanalo.

Lucas 19:37 Referans Kwoze

Mateo 21:1

So Jesús qataq soua lapaxaguenataqa ivilda ye nỹecpiolec maye le'enaxat Betfagué, huaña nache vi'iiguet co'ollaq ivildot añi qaỹoqotcheguemec 'alhua maye nanqa' ana Olivo, qaq mashe saqaỹapeque ye nỹecpi ye Jerusalén.

Lucas 19:20

Qataq anac som lỹa, nache 'eeta': «'Am Ỹataxala', 'ana ana 'om. Anamaye choche saỹamaxat, sachalec so hualoxolaỹi,

Lucas 18:43

Huaña, nache se'eso qanamaic ishet da nauaañi, nache ca'ategue So Jesús, ỹo'oxoreetac Ñim Lo'onatac 'Enauacna. Qataq 'enauac so shiỹaxauapi maye ỹauaachigui de'era, nataqa'en somayepi ỹo'oxoreetac Ñimaye.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Marcos 14:26

Ime, nache do'onaxaata'ape, qaq co'ollaq ime, nache nqo'ooreuga aso qaỹoqotcheguemec 'alhua maye nanqa' ana Olivo.

Marcos 13:3

Ime, nache So Jesús qataq soua lapaxaguenataqa nqo'oora aso qaỹoqotcheguemec 'alhua, maye nanqa' ana Olivo nalotta aso no'onaxanaxaqui late'erai. Nache So Jesús nso'ooñi, qaq co'ollaq mashe nda'a't soomaye, nache so Pedro, Santiago, Juan qataq so Andrés inattrac Somaye, 'eetra':

2 Crónicas 29:36

Qaq so Ezequías, qataq 'enauac so nhuo' le'ecpi ỹataqta machiguiñi, cha'aye Ñim Lo'onatac 'Enauacna, itaunec somayepi da ỹataqta saqaỹaloq da ime se'eso ỹo'ot.

1 Crónicas 15:28

Qaq 'era da 'eetec da 'enauac so Israel le'ecpi ỹachetac aso laỹe' soua lqataxaco Ñim Nataxala', nache ỹa'alaqtai' da ntonaxac, qataq do'onaxaata'ai' da l-lamaxa ana peenaq lcouepi, qataq ana trompeetapi, qataq na natoviaxanatacpi lcat, qataq ana salteeriopi, qataq ana arpapi.

Lucas 19:29

Qaq co'ollaq mashe nayeetaua'alo yeua Betfagué qataq ye Betania yem saqaỹapeque añi saqaỹoqotcheguemec 'alhua maye nanqa' ana Olivo. Huaña, nache ỹama'q soua dos lapaxaguenataqa.

Lucas 19:36

Nache co'ollaq nayeetaua'a ye Jerusalén So Jesús, nache qalota so shiỹaxauapi lapaxangui na lapo'pi so nqa'aic maye tateua'a Somaye.

Juan 12:18

Qaq ỹoqo'oye so shiỹaxauapi huaqata'aguet So Jesús, cha'aye ỹaỹaten dam ỹo'ot na'anec maye sa qaỹauanapega.