Lucas 19:35 - La'aqtaqa Ñim Lo'onatac 'Enauacna 2013

³⁵ Nache qaỹauega somaye So Jesús. Ime, nache ỹasaxaleguete soua lapo'ote soomaye so 'ashena, nache qoỹanaxanaxaalec So Jesús.

Nuevo Testamento Toba Sur

³⁵ Nachi qaÿauega somayi so Jesús. Ime, nachi qaÿasaxalguete soua alogo so 'ashina, nachi qoÿanaxanaxaalec somayi.

Nuevo Testamento Toba Sombrero Negro

³⁵ Qama'le yaueta ñe'me Jesús ga'me ajena, lapaĝadelegue naa'me lapo'ote qama'le yanedalegue joga'me.

Lucas 19:35 Referans Kwoze

Juan 12:14

Qaq So Jesús natenalec so 'ashenolec, nache nelec somaye. Qaq 'era da 'eetec da ipacchiguilo dam 'ena'ape naua nanettrañi la'aqtaqa Ñim Lo'onatac 'Enauacna, 'eeta':

Mateo 21:7

Nache qanavigui' aso 'ashena qataq so llalec, nache qaỹachaleguete soua npo'ote, nache So Jesús huenotsheguem. Ime nache jec da taua'a ye Jerusalén.

2 Reyes 9:13

Huaña, nache somayepi sa naỹaloxon da ỹacona so lapo'pi, nache lapaxalec som napiaxala'pi maye taỹasheguema aso nso'onaxaqui so Jehú. Ime, nache ỹashiiyigui aso nasheerepi peenaq lcouepi, qataq ỹa'alaxalec somaye, 'eeta': «Da Jehú, nachera da nta'a.»

Mateo 21:4

Qaq 'eetec de'era Somaye, yaqto' ipacchigui da ỹa'axat co'ollaxa so la'aqtaxanaxanec Ñim Lo'onatac 'Enauacna co'ollaq ỹiyiñi de'era maye, 'eeta':

Lucas 19:34

Nache soomaye 'ena'apo': –Qomye iuen namaye Ñim Qarataxala'.

Lucas 19:36

Nache co'ollaq nayeetaua'a ye Jerusalén So Jesús, nache qalota so shiỹaxauapi lapaxangui na lapo'pi so nqa'aic maye tateua'a Somaye.

Juan 12:12

Qaq ỹataqta qalota na shiỹaxauapi na mashe nvita ye Jerusalén da ỹalegueua'alo soua na'axa'te maye laloxoqui' da qaiuennate so na'a'q le'enaxat Lapascua. Qaq se'eso lỹa na'a'q, nache qaỹaỹaten So Jesús da mashe nayeetaua'a ye Jerusalén.