Lucas 19:28 - La'aqtaqa Ñim Lo'onatac 'Enauacna 2013

²⁸ Qaq co'ollaq ime da nasaxauec de'era So Jesús, nache jec da taigue da Jerusalén.

Nuevo Testamento Toba Sur

²⁸ Qaq co'ollaq ime da nasaxauec de'eda so Jesús, nachi jec da tata'ague da Jerusalén.

Nuevo Testamento Toba Sombrero Negro

²⁸ Mane'e ca'li da'me nenaĝategue da'me dojo', Jesús yitaĝa yalemaĝaye da'me dajoyi di'me Jerusalén.

Lucas 19:28 Referans Kwoze

Lucas 9:51

Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

1 Pedro 4:1

Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Lucas 18:31

Nache So Jesús iỹaxanalo soua doce lapaxaguenataqa da iỹotaugalo, nache 'enapegalo, 'eeta': –Nagui qomi' saxague da Jerusalén, nache huaña qome yemaye da ipacchigui 'enauac dam na'aqtaguec na Shiỹaxaua Llalec, maye ỹiyiñi co'ollaxa som la'aqtaxanaxanecpi Ñim Lo'onatac 'Enauacna.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.

Juan 18:11

Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Lucas 10:30

Nache So Jesús ỹauo'o so daloqnaxana, 'eeta': «Huo'o so na'a'q, nache huo'o so ỹale chegoqtasheguema ye Jerusalén, quetague' so nqa'aic maye taỹa'a ye Jericó. Nache huangui so nqa'aic da huo'oi soua cachaxaiqa da nhuo' somaye qataq iuaxaata'ape qataq ỹacona 'enauac so lla'ac qataq icopchaqchet.