Lucas 19:27 - La'aqtaqa Ñim Lo'onatac 'Enauacna 2013

²⁷ Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Nuevo Testamento Toba Sur

²⁷ Qaq nam aÿim ipa'agueetacpi mayi sa ÿaÿamaxaden da aÿim lta'a, qalaq qanaviquiu'a aÿim. Ime, qaq qaualauachi.”

Nuevo Testamento Toba Sombrero Negro

²⁷ Qalaĝaja, ena'uaque ga'me jo'ne yauteuapi jo'ne ja 'yamaqate'n da'me ñejaliaĝatelo'te joga'me, anaviquiyaquena qaedi jauatelo'te da'me aualachi'.»”

Lucas 19:27 Referans Kwoze

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Hebreos 10:13

huaña, nache iuatta'a Ñim Lo'onatac 'Enauacna da nauec 'enauac nam ipa'agueetacpi Somaye.

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Lucas 20:16

Qomye anac somaye, nache ỹalauat se'eso 'onataxanaxaicpi. Ime, nache ỹami' so laỹepi 'onataxanaxaicpi som nanaxanaqa'. Qaq co'ollaq qaỹa'aqchigui de'era, nache qoỹeeta': –¡De'era saishet da nache 'eetec!

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Isaías 66:6

Huo'o da nvilỹaxac chemaqtegueua'a ye huaqta'a't nỹecpi, qataq huo'o da nvilỹaxac chemaqtegueua'a añi atamnaxaqui, damaye nachera da lavilỹaxac Ñim Nataxala' da ỹanem da nsheetenaguec nam npa'aguenaxauapi.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Isaías 66:14

Qaq qami' qom qauloỹa'a de'era, nache ntonapigui' qome da qarquiyaqteỹaxaqui, qataq dam qaro'ocỹaxaqui dasovi qome 'eeta'am aca huoue da dasovi. Ñim Nataxala' ỹachaxan qome da la'añaxac qom ỹalectaigui na lamaxashecpi, qataq ỹachaxan qome da lalemataic qom dataỹa'aguet nam ipa'agueetac Ñimaye.

1 Samuel 11:12

Qaq co'ollaq ime de'era, nache huo'o som shiỹaxauapi da 'eetega so Samuel, 'eeta': «¿Chaq hueta'ague cam shiỹaxauapi maye sa ỹaỹamaxaren da qarta'a ñi Saúl? Ñaq qomi' 'aỹa'anema que'eca shiỹaxauapi, yaqto' salauataq.»

2 Samuel 23:7

Qaq da huo'o ca ỹacoosop qalaq ỹauota'a ca lcat, huo'otaq aca lataquiaxai. Nache ỹasaxangui ca norec da yaqto' ỹavic.»

Salmos 109:20

Qaq 'era da 'eetec qom isheeten Ñim Nataxala' na aỹem ipa'agueetac, qataq nam qauema naua la'aqtaqa da aỹem detaqtega.