Lucas 19:22 - La'aqtaqa Ñim Lo'onatac 'Enauacna 2013

²² Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Nuevo Testamento Toba Sur

²² Nachi som nta'a 'enapeco': “'Am nlatac qauemaic, da maichi 'ad'aqtac, nachida da sachigoxotchigui da sauo'o ca 'anhuaxanaguec. 'Am 'auaÿateetac mque' da aÿim saqadamchigui da sacona cam sa ÿalamaxat, qataq da ñaqat na ala cam saq ÿanguishic.

Nuevo Testamento Toba Sombrero Negro

²² Chane'eja enapega ñe'me najoĝola': «Am yalemaĝajet jo'ne ja am 'te no'en, queda'me mach'e at'aqataqa am jepoleguelo'te. Ta'le eja auayaten da'me jayem jiyaĝaua jo'ne ja damitelegue, jo'ne jacona ga'me ja jepotan nataq'aen ñaqat jaga'me jala ga'me ja yanec,

Lucas 19:22 Referans Kwoze

2 Samuel 1:16

Qaq so David 'enapeco': 'Am, maiche 'anasouaxaala't da 'am qaỹalauat, cha'aye maiche 'aua'axat da 'aualauat so nta'a maye lca'aguishec Ñim Nataxala'.

Mateo 22:12

nache 'enapega somaye, 'eeta': ‹¡'Am iỹa! ¿Ca 'eeteco' da 'ausheto' co'ollaxa da 'ampa'auo ye 'aỹa'aatrañi naua anogo maye saishet da lataxau' da qaỹalegueua'a de'era naponaxac?› Qalaxaye somaye saishet da ỹasat.

Mateo 12:37

Ñim Lo'onatac 'Enauacna nmit qome ñi 'oonolec naua ltaxaỹaxaco: Da huo'otaq 'onaxaiqa co'ollaxa naua ltaxaỹaxaco, nache qanca'alaxatec, qalaxaye da huo'otaq qauema co'ollaxa naua la'aqtaqa, nache qaỹauo'o ca nhuaxanaguec.»

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Lucas 19:21

cha'aye aỹem huo'o da icolanaxa da qoneta, cha'aye ỹataqta 'am sa qaramchigui da 'auacona ca sa 'aralamaxat, qataq da 'anqat ana ala cam saq 'añiguishec.»

Lucas 19:23

Qalaq ¿ta'ainco' ye saq 'aroua'a añim laỹe' ana anom, yaqto' saconeguet acam laueque ana aỹom da ivita da ñe'eguelaxa na ima'?»