Lucas 19:21 - La'aqtaqa Ñim Lo'onatac 'Enauacna 2013

²¹ cha'aye aỹem huo'o da icolanaxa da qoneta, cha'aye ỹataqta 'am sa qaramchigui da 'auacona ca sa 'aralamaxat, qataq da 'anqat ana ala cam saq 'añiguishec.»

Nuevo Testamento Toba Sur

²¹ cha'ayi aÿim huo'o da icolanaxa da qoneta, cha'ayi ÿataqta 'am saqadamchigui da 'auacona ca sa 'adalamaxat, qataq da 'anqat na ala cam saq 'anguishic.”

Nuevo Testamento Toba Sombrero Negro

²¹ qa'a am jo'oiyapega, qa'a am jiyaĝaua jo'ne ja am 'te damitelegue, jo'ne auacona ga'me ja auepotan nataq'aen anaqat jaga'me jala ga'me ja adanec.»

Lucas 19:21 Referans Kwoze

Judas 1:15

Anac da yaqto' ỹauo'o ca nhuaxanaguec 'enauac nam ỹo'ottac na qauem, qataq 'enauac na 'etaxaloxoicpi maye isheueetac co'ollaxa Ñimaye.»

1 Juan 4:18

Ca shiỹaxaua maye huo'o da lauotaxanaqtaic, camaye saishet huo'o ca ñe'etaique. Cha'aye cam hueta'a da nsoxoyec, nache qaica ca ncolanaxa. Nachaqrata da que'eca 'eesa nsoxoyec, camaye ỹo'orauec da ncolanaxa. Da huo'o ca huo'o da lcolanaxa da Ñim Lo'onatac 'Enauacna ỹauo'o ca nhuaxanaguec, qaq camaye saxanaxa da ỹaỹaten da dauotaxanaqta.

Santiago 2:10

Qami' da qaualaqaiguet 'enauac na namaxasoxonaxacpi, qalaxaye da huo'otaq 'oonolec ca saishet da qaupaquiilec namayepi, nache 'eeta'am da 'enauac na laỹepi namaxasoxonaxacpi da saishet da qaualaqaiguet.

2 Timoteo 1:7

Cha'aye So Saqcha'a La'añaxac Ñim Lo'onatac 'Enauacna saishet da qomi' colanqaiqa naqa'en. Nachaqrata da qomi' ỹanema da qara'añaxac da sauotaxac 'enauac na laỹepi shiỹaxauapi, qataq qomi' ỹa'añaqche't da yaqto' seshetaq da souaqtaigui da no'on achaalataxac maye chegoqo'ot So Cristo.

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Romanos 8:7

Nam saishet da nllañi nam qauem lqopitaxanaqtaicpi nda'a't da iuennatega da ỹo'ot ca qauem, nache namayepi ỹataqta ipa'agueetac Ñim Lo'onatac 'Enauacna. Cha'aye sa ỹaỹamaxaren qataq saishet da ỹalaxaguet na lamaxasoxonaxacpi Ñimaye.

1 Samuel 12:20

Nache so Samuel, 'enapeco': Saishet qome da qayi'i. Cha'aye 'eesa da ỹataqta qauem da qauo'oche, qalaxaye nagui nache saishet qome da qoquiỹa'ai Ñim Nataxala', nacherato' da ỹataqta qaumachiỹo'ot da qarquiyaqteỹaxaqui da qavio'oxoyiñi.

Lucas 19:20

Qataq anac som lỹa, nache 'eeta': «'Am Ỹataxala', 'ana ana 'om. Anamaye choche saỹamaxat, sachalec so hualoxolaỹi,

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.