Lucas 19:17 - La'aqtaqa Ñim Lo'onatac 'Enauacna 2013

¹⁷ Nache so nta'a 'enapeco': «Aja', no'on, ỹaỹamaqchiguiñi, ỹataqta 'am no'on no'onataxanaxanec. Qaq cha'aye ỹataqta 'apactelec da 'auo'ot, dam saq 'amaqtaq maye 'am sepataxalec, qaq nagui sanagui da 'am nataxala' da 'aulo'oguelo caua diez nam 'amaqtaqaic nỹecpi.»

Nuevo Testamento Toba Sur

¹⁷ Nachi so nta'a 'enapeco': “Aja', no'on, ÿaÿamaqchiguiñi, ÿataqta 'am no'on nlatac. Qaq cha'ayi ÿataqta 'aupactelec da 'au'ot dam saq 'amaqtaq mayi 'am qaipataxalec, qaq nagui sanagui da 'am nta'a da 'aulo'oguelo caua diez puebloyi.”

Nuevo Testamento Toba Sombrero Negro

¹⁷ Joñe'me najoĝola' 'yateguet: «¡Yataqachiñe 'noota: am yalemaĝajet jo'ne 'noota! Qama'le queda'me auayataĝadetelegue da'me aue'et ga'me jaleca, nayi jen anejaliaĝatelo'te gaa'me diez noyaqa.»

Lucas 19:17 Referans Kwoze

Lucas 16:10

Cam 'onaxaic da na'aqtaguec, souaxat cam saq 'amaqtaq maye ilotague', qaq nache 'ena'am no'on da na'aqtaguec da ilo'ogue ca qalota; qaq cam qauem da na'aqtaguec da ilotague' cam saq 'amaqtaq, qaq nache 'ena'am qauem da na'aqtaguec da ilo'ogue ca qalota.

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Génesis 39:4

Qaq de'era, nachera da ỹo'ot da som na'aco' so José, ỹataqta ỹauotec somaye, qaq ỹoqo'oye nache ỹauo'o ltaua somaye, qataq ipataxalec da ilo'ogue so lma', qataq 'enauac som logoxoshetpi somaye.

1 Pedro 5:4

Yaqto' qom ñe'eguelaq So Cristo maye Lataxala' nam ilotague' na 'amqaanataxanaxaicpi, nache qami' qauacoñiiguet ca qaica ca 'ena'am da llo'oxoyec qansheetenaguiiqui maye qaica ca loga't.

2 Timoteo 2:10

Ỹoqo'oye ña'añaxateguet na ỹotta'a't ñeque'eenaxacpi, yaqto' na lca'aguishecpi Ñim Lo'onatac 'Enauacna nca'alec, qataq ỹaconeguet da achaalataxac maye chochaq tatec, maye ỹachaxanapec So Cristo qataq Ñim Lo'onatac 'Enauacna.

Romanos 2:29

Cha'aye ca ỹoqta 'eesa da judío le'ec, camaye ỹataqta ỹalaxaguet Ñim Lo'onatac 'Enauacna, qaq saishet da ỹalaxaguet na nqataxacpi maye lo'onatac ca choche shiỹaxaua. Qaq Ñim Lo'onatac 'Enauacna ỹataqta ỹaỹamaxareeta camaye, na'aictaxa na shiỹaxauapi da saishet da ỹaconeguet.

Lucas 22:30

nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Proverbios 27:18

Ca ntela'a aca higo lcheyec camaye chec qome ana ala acamaye, qataq ca ntela'a ca na'aco' camaye huo'o da ño'oxonnataguec.

Lucas 19:16

Nache so la'auaxanec nachaateuo, nache 'eeta': «'Am Ỹataxala', ana 'om ivi' ana diez ana dalaxai laueque.»

Lucas 19:18

Qataq anac som nca'attauo, nache 'enapeco': «'Am Ỹataxala', ana 'om ivi' ana cinco ana dalaxai laueque.»