Lucas 19:13 - La'aqtaqa Ñim Lo'onatac 'Enauacna 2013

¹³ Qaq co'ollaq yaqta'a da jec, nache iỹaxaneugalo soua diez lo'onataxanaxanaqa. Nache ỹami' ñi 'oonolec soomaye aso alom. Nache 'enapegalo', 'eeta': «Qauo'onataxañiỹa qome ana'ana aỹom, qanmiñiitac, choche ivitta'a qome da ñe'eguelaq.»

Nuevo Testamento Toba Sur

¹³ Qaq co'ollaq yaqta'a da jec, nachi iÿaxanalo soua diez l-lataqa. Nachi ÿami' ñi 'oonolec soomayi añi 'oonole soua diez lca'chole, qaq añi 'oonole soomayi ÿataqta qaÿoqtegue añi naigui. Nachi 'enapegalo', 'eeta': “Qau'onataxañiÿa qome ana'ana aÿom, qanmiñiitac, ÿataqto' qom ivita da ñi'iguelaq.”

Nuevo Testamento Toba Sombrero Negro

¹³ Ca'li maliaĝa jona'li ya'uo da'me leuoĝoc, qama'le yiyaĝanalo gaa'me lalemaĝaje'te jo'ne diez, jogaa'me onolqa'tape yanema jaga'me naicaua, qama'le enaac: «Jamoyi, a'uonataĝañiya janjo' ñaicaua chayovida'a qom 'ñiyelaq.»

Lucas 19:13 Referans Kwoze

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Mateo 25:16

Nache so namaxashec maye ỹaconeguet aso cinco mil anom, somaye do'onataxangui asa'aso anom da nmen. Nache ivi' cinco mil aso laỹe laueque.

Mateo 25:20

Nache nvireuo som ỹaconeguet co'ollaxa aso cinco mil anom, nache ỹaneuo asomaye lỹateuo naqa'en aso laỹe cinco mil nache, 'eeta': «'Am ỹataxala', aỹem 'aỹa'anem co'ollaxa aso cinco mil 'om. Qaq nagui 'ana ana laỹe cinco mil maye ỹaueque.»

Mateo 25:22

Ime, nache qaltaq nvireuo so namaxashec maye ỹaconeguet co'ollaxa aso dos mil anom, nache 'enapeco': «'Am ỹataxala', aỹem 'aỹa'anem co'ollaxa aso dos mil aso 'om. Qaq nagui 'ana ana lỹa dos mil maye ỹaueque.»

Mateo 25:24

Qaq pa'atec co'ollaxa nache nvireuo so namaxashec maye ỹaconeguet aso mil anom nache, 'eeta': «'Am ỹataxala', aỹem saỹaten da ỹataqta 'am qaramchigui, qataq ivira'a da 'auỹaxaneua'a ca ỹataqta huo'o da lqalaic.

Lucas 19:12

Nache So Jesús ỹauo'o da daloqnaxana, 'eeta': –Huo'o so ỹale 'amaqtaqaic, somaye qoỹanagui da nta'a, da ilo'ogue cam hueta'a 'alhua, qaq somaye jec da nqo'ona so lta'a na nta'alpi da yaqto' qoỹanagui da nta'a. Qaq co'ollaq mashe ime da qoỹanagui da nta'a, nache ỹe'eguelaxa cam 'alhua maye chegoqchiguiña da yaqto' ilo'ogue.

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»