Lucas 19:12 - La'aqtaqa Ñim Lo'onatac 'Enauacna 2013

¹² Nache So Jesús ỹauo'o da daloqnaxana, 'eeta': –Huo'o so ỹale 'amaqtaqaic, somaye qoỹanagui da nta'a, da ilo'ogue cam hueta'a 'alhua, qaq somaye jec da nqo'ona so lta'a na nta'alpi da yaqto' qoỹanagui da nta'a. Qaq co'ollaq mashe ime da qoỹanagui da nta'a, nache ỹe'eguelaxa cam 'alhua maye chegoqchiguiña da yaqto' ilo'ogue.

Nuevo Testamento Toba Sur

¹² Nachi somayi 'enapeco': –Huo'o so shiÿaxaua chigaqaigui nam 'amaqtaqaicpi. Somayi jec da nqo'ona ca lÿa 'alhua mayi ÿataqta qaÿoqta, da yaqto' qoÿanagui da nta'a. Qaq da ime, nachi ñi'iguelaq.

Nuevo Testamento Toba Sombrero Negro

¹² Enaac: “'Uo ñe'me jiyaĝaua jo'ne p'ajaye da'me ni'yoĝodenataguec, dajoyi ga'me qaya'ague, ga'me aleua laqaya, qaedi qoyen nejaliaĝanec jo'ne najoĝola' qama'le 'niyelaq.

Lucas 19:12 Referans Kwoze

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Lucas 20:9

Qaq co'ollaq ime, nache So Jesús da'aqtaxanem so shiỹaxauapi, nache ỹauo'o da daloqnaxana, 'eeta': –Huo'o so ỹale ỹauo'o so lanaxanaqa' da ỹaañi ana uva. Qaq co'ollaq ime, nache ỹauo'o so naỹamaxate' 'onataxanaxaicpi da do'onataxaalec naqa'en se'eso lanaxanaqa'. Ime, nache taỹa ca lỹa 'alhua, nache huo'oi soua vi'iye da hueta'ague.

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

1 Corintios 15:25

Cha'aye So Cristo iuen da ñaq 'eetalec da nta'a choche ivitta'a que'eca na'a'q qom loxonec 'enauac na ipa'agueetacpi.

Hechos 17:31

Cha'aye Ñimaye mashe ỹauo'o ca 'oonolec na'a'q maye huetoigui da nmit 'enauac na lasouaxashetpi na shiỹaxauapi, ỹachegoxotchigui som 'oonolec ỹale maye Lca'aguishec. Qaq ỹoqta 'eesa da ỹo'ot de'era qome, ỹoqo'oye Ñimaye qaltaq nca'alec naqa'en co'ollaxa So Jesús.

Lucas 24:51

Qaq nache saqaỹaloq da So Jesús qaỹaueegue da piguem

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Marcos 12:1

'Era dam 'oonolec nam laloqnaxanaxatpi So Jesús naxa da ivita da ỹapaxaguen na shiỹaxauapi, 'eeta': «Huo'o so ỹale ỹauo'o so lanaxanaqa' maye nanqa' ana uva. Ime, nache mpaxateua'a, qataq ỹo'ot aso no'onataxaqui da qaỹo'ot na lataxa, qataq ỹo'ot aso nalloxolate da yaqto' ishet da qaỹalletalec 'enauac se'eso nanaxanaqa'. Qaq co'ollaq ime, nache huo'o so ỹa'aalaxanaxanec da do'onataxaalec naqa'en se'eso lanaxanaqa'. Nache somaye jec.

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.